امپھال، 11 ستمبر (ہ س)۔ منی پور میں سیکورٹی فورسز نے کالعدم عسکریت پسند تنظیموں کے دو سرگرم کارکنوں کو الگ الگ کارروائیوں میں گرفتار کیا ہے۔

ٹینگنوپال پولیس کی ایک ٹیم نے 10 ستمبر کو کھارو کھلین کے علاقے میں تلاشی کی کارروائی کی اور ضلع تھوبل کے ہیروک پارٹ III کے رہائشی ننگتھوجم سریش سنگھ (26) عرف چنگ سانگ کو گرفتار کیا۔ وہ یونائیٹڈ نیشنل لبریشن فرنٹ (یو این ایل ایف) کا ایک فعال کیڈر ہے۔

ایک اور آپریشن میں، انٹیلی جنس ان پٹ کی بنیاد پر، سی ڈی او/امپھال ایسٹ نے 28 آسام رائفلز، 13/2 ایف آئی ٹی اور 11 ڈبلیو ای یو کے تعاون سے 10 ستمبر کو خبیسوئی، امپھال ایسٹ سے مویرنگتھیم سناتھوئی میتئی (19) عرف ماروخوئی کو گرفتار کیا۔

ننگاڈا ماکھا لیکائی کا رہائشی سناتھوئی، آر پی ایف/پی ایل اے کا ایک فعال رکن بتایا جارہا ہے۔ پولیس کے مطابق، اس نے اگست 2026 میں تنظیم میں شمولیت اختیار کی تھی اور مبینہ طور پر نئے کارکنوں کی بھرتی میں ملوث تھا۔ اس کے قبضے سے ایک اسکوٹر اور ایک موبائل فون برآمد کیا گیا۔

ہندوستھان سماچار

---------------

ہندوستان سماچار / عبدالسلام صدیقی