نئی دہلی، 10 ستمبر (ہ س)۔ پانچ مرتبہ کی فٹبال عالمی کپ فاتح برازیل نے ہندوستان کے خلاف 3 اکتوبر کو کولکاتا کے وویکانند یوا بھارتی کریڑانگن میں ہونے والے فٹبال کے

دوستانہ مقابلے کے لیے 26 رکنی مضبوط ٹیم کا اعلان کر دیا ہے۔ ہیڈ کوچ کارلو اینچیلوتی نے ٹیم میں وِنیسیئس جونیئر، رافینیا، اینڈرک اور برونو گِمارائیش جیسے اسٹار کھلاڑیوں کو شامل کیا ہے۔ ٹیم میں بیلن ڈی اور کے لیے نامزد تین کھلاڑی بھی شامل ہیں۔

برازیل کی ٹیم ہندوستان پہنچنے سے قبل آسٹریلیا کے خلاف 25 اور 29 ستمبر کو دو مقابلے کھیلے گی۔ اس کے بعد ٹیم کولکاتا پہنچے گی، جہاں 3 اکتوبر کو ہندوستانی ٹیم کے خلاف مقابلہ ہوگا۔

اینچیلوتی نے اپنی صف میں کئی متبادل کھلاڑیوں کو ٹیم میں جگہ دی ہے۔ وِنیسیئس جونیئر، رافینیا اور اینڈرک کے علاوہ ایسٹیواؤ، جواؤ پیڈرو، پیڈرو، رائیان اور سموئیل لینو کو بھی ٹیم میں شامل کیا گیا ہے۔

مڈفیلڈ میں برونو گِمارائیش اور ڈگلس لوئز اہم نام ہیں۔ ان کے علاوہ آندرے سانتوس، برینو بیدون، ڈینیلو سانتوس اور گیبریئل بونٹیمپو کو بھی ٹیم میں جگہ ملی ہے۔

دفاعی صف میں آرسنل کے ڈیفینڈر گیبریئل ماگالائش اور تجربہ کار برازیلی کھلاڑی مارکینوس شامل ہیں۔ ان کے علاوہ آرتھر ڈیاس، ڈگلس سانتوس، جائر، ماتھیوزینھو، ماؤرو جونیئر، وِٹور ریس اور ویسلی کو منتخب کیا گیا ہے۔

گول کیپر کے طور پر ہیوگو سوزا، پیڈرو موریسکو اور اوتاویو کو ٹیم میں شامل کیا گیا ہے۔

یہ مقابلہ خالد جمیل کی قیادت والی ہندوستانی ٹیم کے لیے بین الاقوامی فٹبال کی کامیاب ترین ٹیموں میں سے ایک برازیل کے خلاف خود کو آزمانے کا بڑا موقع ہوگا۔ ساتھ ہی یہ برازیل کی سینئر مردوں کی ٹیم کا ہندوستانی سرزمین پر پہلا بین الاقوامی مقابلہ بھی ہوگا۔

برازیل کی ٹیم:

گول کیپرز: ہیوگو سوزا، پیڈرو موریسکو، اوتاویو؛

ڈیفینڈرز: آرتھر ڈیاس، ڈگلس سانتوس، گیبریئل ماگالائش، جائر، مارکینوس، ماتھیوزینھو، ماؤرو جونیئر، وِٹور ریس، ویسلی؛

مڈفیلڈرز: آندرے سانتوس، برینو بیدون، برونو گِمارائیش، ڈینیلو سانتوس، ڈگلس لوئز، گیبریئل بونٹیمپو؛

فارورڈز: اینڈرک، ایسٹیواؤ، جواؤ پیڈرو، پیڈرو، رافینیا، رائیان، سموئیل لینو، وِنیسیئس جونیئر۔

ہندوستھان سماچار

---------------

ہندوستان سماچار / عبدالواحد