نئی دہلی، 10 ستمبر (ہ س)۔ ایران اور امریکہ کے درمیان مسلسل بڑھتی کشیدگی اور خام تیل کی قیمت میں ہونے والے اضافے کے باعث گلوبل مارکیٹ میں آج بھی چوطرفہ دباو بنا ہوا ہے۔ امریکی بازار گزشتہ سیشن کے دوران مسلسل تیسرے دن گراوٹ کے ساتھ بند ہوئے۔ حالانکہ ڈاو جونز فیوچرز آج مضبوطی کے ساتھ کاروبار کرتا ہوا نظر آ رہا ہے۔ یورپی بازار میں بھی پچھلے سیشن کے دوران مسلسل فروخت کا دباو بنا رہا۔ اسی طرح ایشیائی بازار میں بھی آج گراوٹ کا رخ برقرار ہے۔مغربی ایشیا میں کشیدگی اور ایران کی جانب سے امریکی ٹھکانوں پر مزید شدید حملہ کرنے کی وارننگ دیے جانے کے بعد پچھلے سیشن کے دوران امریکی بازار میں خوف و ہراس کا ماحول برقرار رہا۔ ڈاو جونز انڈسٹریل ایوریج 400 پوائنٹس کی گراوٹ کا شکار ہو گیا۔ اسی طرح ایس اینڈ پی 500 انڈیکس نے 0.48 فیصد کی کمزوری کے ساتھ 7,636.36 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ نیسڈیک 168.07 پوائنٹس یعنی 0.64 فیصد گر کر 26,253.34 پوائنٹس کی سطح پر بند ہوا۔ تاہم ڈاو جونز فیوچرز آج فی الحال 197.67 پوائنٹس یعنی 0.38 فیصد کی مضبوطی کے ساتھ 52,578.33 پوائنٹس کی سطح پر کاروبار کرتا ہوا دکھائی دے رہا ہے۔یورپی بازار میں گزشتہ سیشن کے دوران مسلسل فروخت ہوتی رہی۔ ایف ٹی ایس ای انڈیکس 141.60 پوائنٹس یعنی 1.33 فیصد کی کمزوری کے ساتھ 10,670.06 پوائنٹس کی سطح پر بند ہوا۔ اسی طرح سی اے سی انڈیکس نے 161.31 پوائنٹس یعنی 1.98 فیصد کی گراوٹ کے ساتھ 8,156.67 پوائنٹس کی سطح پر پچھلے سیشن کے کاروبار کا اختتام کیا۔ اس کے علاوہ ڈی اے ایکس انڈیکس 431.18 پوائنٹس یعنی 1.69 فیصد گر کر 25,576.45 پوائنٹس کی سطح پر بند ہوا۔ایشیائی بازار میں بھی آج فروخت کا دباو بنا ہوا ہے۔ ایشیا کے نو بازاروں میں سے آٹھ کے انڈیکس کمزوری کے ساتھ سرخ نشان میں کاروبار کر رہے ہیں، جبکہ ایک انڈیکس معمولی اضافے کے ساتھ سبز نشان میں برقرار ہے۔ ایشیائی بازار میں واحد گفٹ نفٹی 0.06 فیصد کی تیزی کے ساتھ 23,504.50 پوائنٹس کی سطح پر کاروبار کر رہا ہے۔دوسری طرف، نکیئی انڈیکس 413.78 پوائنٹس یعنی 0.64 فیصد کی گراوٹ کے ساتھ 64,729 پوائنٹس کی سطح پر آ گیا ہے۔ اسی طرح اسٹریٹس ٹائمز انڈیکس 0.65 فیصد پھسل کر 5,692.63 پوائنٹس کی سطح پر پہنچا ہوا ہے۔ ہینگ سینگ انڈیکس میں آج بڑی گراوٹ درج کی گئی ہے۔ فی الحال یہ انڈیکس 351.96 پوائنٹس یعنی 1.41 فیصد ٹوٹ کر 24,923 پوائنٹس کی سطح پر کاروبار کر رہا ہے۔تائیوان ویٹڈ انڈیکس پر بھی آج دباو بنا ہوا ہے۔ فی الحال یہ انڈیکس 357.33 پوائنٹس یعنی 0.76 فیصد کی گراوٹ کے ساتھ 46,826.03 پوائنٹس کی سطح تک گر گیا ہے۔ اسی طرح کوسپی انڈیکس 0.72 فیصد کی کمزوری کے ساتھ 7,001.22 پوائنٹس کی سطح پر آ گیا ہے۔ اس کے علاوہ شنگھائی کمپوزٹ انڈیکس 0.35 فیصد پھسل کر 3,937.78 پوائنٹس کی سطح پر، سیٹ کمپوزٹ انڈیکس 0.06 فیصد گر کر 1,616.87 پوائنٹس کی سطح پر اور جکارتہ کمپوزٹ انڈیکس 0.05 فیصد کی گراوٹ کے ساتھ 6,674.67 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن