آج سے 132 سال قبل آج ہی کے دن امریکہ کے شہر شکاگو میں منعقدہ عالمی مذہبی کانفرنس میں ہندوستان کے عظیم فلسفی اور سنت سوامی وویکانند نے اپنی تاریخی تقریر سے پوری دنیا کی توجہ اپنی جانب مبذول کرائی۔

سوامی وویکانند نے اپنے خطاب کا آغاز “امریکہ کی بہنو اور بھائیو” کہہ کر کیا، جسے سنتے ہی پورا اجلاس تالیوں کی گونج سے بھر گیا۔ یہ خطاب نہ صرف سامعین کے دلوں کو چھو گیا بلکہ ہندوستانی روحانیت اور سناتن ثقافت کے اصولوں کو بھی عالمی سطح پر اجاگر کر گیا۔

وویکانند نے اپنی تقریر میں تمام مذاہب کے اتحاد، رواداری اور انسانیت کی اہمیت پر زور دیا۔ انہوں نے کہا کہ ہندوستان قدیم زمانے سے ہی مختلف عقائد اور ثقافتوں کو اپناتا اور انہیں یکساں احترام دیتا آیا ہے۔ ان کے الفاظ نے نہ صرف ہندوستان کی روحانی وراثت کو عالمی سطح پر شناخت دلائی بلکہ یہ پیغام بھی دیا کہ مذہب تقسیم کا نہیں بلکہ انسانیت کو جوڑنے کا ذریعہ ہے۔ یہ تقریر آج بھی عالمی تاریخ کا ایک قیمتی ورثہ سمجھی جاتی ہے، جس نے عالمی سطح پر ہندوستان کی شبیہ کو نئی بلندی عطا کی۔

اہم واقعات

1730 - امرتا دیوی کی قیادت میں کھیجڑلی گاؤں کے 363 افراد نے درختوں کو بچانے کے لیے اپنی جانوں کا نذرانہ پیش کیا۔ ان کی یاد میں 11 ستمبر کو ’قومی یومِ جنگلات کے شہیدوں کے طور پر منایا جاتا ہے۔

1893 - شکاگو میں عالمی مذہبی کانفرنس کے دوران سوامی وویکانند نے مذہبی انتہا پسندی، رواداری اور تمام مذاہب میں موجود سچائی کے حوالے سے تاریخی تقریر کی۔

1906 - مہاتما گاندھی نے جنوبی افریقہ میں ستیہ گرہ تحریک کا آغاز کیا۔

1941 - امریکی محکمۂ دفاع پینٹاگون کی تعمیر شروع ہوئی۔

1965 - ہندوستان اور پاکستان کی جنگ کے دوران بھارتی فوج نے جنوب مشرقی لاہور کے قریب واقع برکی شہر پر قبضہ کر لیا۔

1968 - ایئر فرانس کا طیارہ نمبر 1611 نائس کے قریب حادثے کا شکار ہوا۔ اس حادثے میں 89 مسافروں اور عملے کے 6 ارکان سمیت 95 افراد ہلاک ہوئے۔

1971 - مصر میں آئین منظور کیا گیا۔

2001 - امریکہ کے ورلڈ ٹریڈ سینٹر اور پینٹاگون پر دہشت گردانہ حملوں میں 6 ہزار سے زائد افراد ہلاک ہوئے۔

2005 - غزہ پٹی میں 38 سال سے جاری فوجی حکمرانی کے خاتمے کا اعلان کیا گیا۔

2006 - پیس اور ڈیم کی جوڑی نے یو ایس اوپن کا ڈبلز خطاب جیتا۔

2006 - سوئٹزرلینڈ کے راجر فیڈرر نے مسلسل تیسری بار یو ایس اوپن ٹینس ٹورنامنٹ کا خطاب جیتا۔

2006 - امریکی خلائی شٹل اٹلانٹس خلائی اسٹیشن سے منسلک ہوا۔

2011 - دفاعی سائنس دانوں نے ’لیکودرما‘ کے علاج کے لیے ایک مؤثر ہربل دوا تیار کی۔

پیدائش

1895 - ونوبا بھاوے — ہندوستان کے مجاہدِ آزادی، سماجی کارکن اور معروف گاندھی وادی رہنما۔

1911 - لالہ امرناتھ — بین الاقوامی کرکٹ میں ہندوستان کی جانب سے پہلا سنچری بنانے والے کرکٹر۔

1919 - کنہیا لال سیٹھیہ — جدید دور کے معروف ہندی اور راجستھانی ادیب۔

1962 - پرہلاد جوشی — بھارتیہ جنتا پارٹی کے سیاست داں اور موجودہ مرکزی وزیر تعلیم۔

1982 - شریا سرن — جنوبی ہند کی اداکارہ۔

انتقال

1921 - سبرامنیہ بھارتی — تمل زبان کے عظیم شاعر۔

1948 - محمد علی جناح — برطانوی ہندوستان کے اہم رہنما اور ’مسلم لیگ‘ کے صدر۔

1987 - مہادیوی ورما — ہندی شاعرہ اور ہندی ادب کے چھایاوادی عہد کے چار اہم ستونوں میں سے ایک۔

2020 - سوامی اگنی ویش — ہندوستان کے سماجی کارکن، مصلح، سیاست دان اور آریہ سماجی رہنما۔

ہندوستھان سماچار

---------------

ہندوستان سماچار / عبدالواحد