نیویارک، یکم ستمبر (ہ س)۔ پولینڈ کی آٹھویں سیڈڈ ایگا سویٹیک نے اپنی یو ایس اوپن 2026 کی مہم کا آغاز فتح کے ساتھ کیا۔ 2022 کے چیمپئن سویٹیک نے چین کی وانگ ژیو کو سیدھے سیٹوں میں 6-2, 6-3سے شکست دے کر پیر کو دوسرے راو¿نڈ میں جگہ بنائی۔

آرتھر ایش اسٹیڈیم کے بجائے لوئس آرمسٹرانگ اسٹیڈیم میں کھیلے گئے میچ میں سویٹیک نے 88 منٹ میں جیت درج کی۔ انہوں نے شروع سے ہی جارحانہ انداز میں کھیلا اور پہلے سیٹ میں 3-1 سے برتری حاصل کرنے کے بعد ایک اور سروس بریک کے ساتھ سیٹ اپنے نام کیا۔

سویٹیک نے دوسرے سیٹ میں بھی دباو برقرار رکھا۔ انہوں نے آٹھویں گیم میں سروس بریک حاصل کرنے کے بعد میچ ختم کر دیا۔

سویٹیک نے میچ کے بعد کہا، ظاہر ہے یہ میرے لیے ایک اچھا دن تھا۔ شروع سے ہی میں بہت اچھا محسوس کر ری تھی۔ میرے پاس توانائی اورطاقت تھی اور میں اسے جاری رکھنا چاہتی ہوں۔

انہوں نے کہا کہ انہیں وانگ کے گہرے اور بہت زیادہ ٹاپ اسپن شاٹس کا مقابلہ کرنے کے لیے اپنی طاقت کا استعمال کرنا پڑا۔

سویٹیک اس وقت بہترین فارم میں ہے۔ انہوں نے حال ہی میں ٹورنٹو اوپن کا خطاب جیتا اور سنسناٹی اوپن کے سیمی فائنل تک پہنچ گئیں۔ اب ان کی نظریں اپنے ساتویں گرینڈ سلیم خطاب پر ہیں۔

سویٹیک نے کہا، کچھ اچھے نتائج کے بعد گرینڈ سلیم میں ہونا اچھا ہے۔ میں نے اس مرحلے میں بہت بہتری لائی ہے اور اب اپنے کھیل میں چھوٹی چھوٹی خامیوں کو بہتر بنانے پر توجہ مرکوز کر رہا ہوں۔

دوسرے راونڈ میں، سویٹیک کا مقابلہ نادیہ پوڈوروسکا سے ہوگا، جس نے پہلے سیمونا والٹرٹ کو شکست دے کر اگلے راونڈ میں جگہ بنائی تھی۔

انیسیمووا بھی دوسرے راونڈ میں پہنچ گئیں۔

امریکی امانڈا انیسیمووا نے بھی آسان جیت کے ساتھ دوسرے راو¿نڈ میں جگہ بنائی۔ اس نے ہم وطن ایشلن کروگر کو6-1, 6-3 سے شکست دی۔ انیسیمووا کا مقابلہ اب آسٹریا کی للی ٹیگر سے ہوگا۔

ہندوستھان سماچار

---------------

ہندوستان سماچار / عبدالسلام صدیقی