نئی دہلی، یکم ستمبر (ہ س)۔ ملک کی جی ایس ٹی آمدنی میں اگست کے دوران سالانہ بنیاد پر 14.8 فیصد کا اضافہ ہوا اور مجموعی وصولی تقریباً 2 لاکھ کروڑ روپے تک پہنچ گئی۔ گزشتہ سال اگست میں مجموعی جی ایس ٹی وصولی 1.74 لاکھ کروڑ روپے رہی تھی۔

جی ایس ٹی ڈائریکٹوریٹ جنرل کی جانب سے منگل کو جاری اعداد و شمار کے مطابق اگست میں مجموعی گڈز اینڈ سروسز ٹیکس (جی ایس ٹی) وصولی سالانہ بنیاد پر 14.8 فیصد بڑھ کر 1,99,853 کروڑ روپے رہی۔ اس دوران خالص جی ایس ٹی وصولی 1.68 لاکھ کروڑ روپے رہی، جو گزشتہ سال کے مقابلے میں 8.3 فیصد زیادہ ہے۔

اعداد و شمار کے مطابق ملکی لین دین سے حاصل ہونے والی جی ایس ٹی آمدنی 9.3 فیصد بڑھ کر 1.37 لاکھ کروڑ روپے سے زیادہ رہی۔ وہیں درآمدات سے حاصل ہونے والی آمدنی 29 فیصد اضافے کے ساتھ 62,604 کروڑ روپے تک پہنچ گئی۔

اسی طرح اگست میں مجموعی مرکزی جی ایس ٹی(سی جی ایس ٹی) وصولی 38,413 کروڑ روپے، ریاستی جی ایس ٹی(ایس جی ایس ٹی) وصولی 46,316 کروڑ روپے اور انٹیگریٹڈ جی ایس ٹی (آئی جی ایس ٹی) وصولی 1.15 لاکھ کروڑ روپے سے زیادہ رہی۔جی ایس ٹی ڈائریکٹوریٹ جنرل کے جاری کردہ اعداد و شمار کے مطابق اگست میں ریفنڈ کی رقم بھی 68 فیصد بڑھ کر 31,795 کروڑ روپے ہوگئی۔

ہندوستھان سماچار

ہندوستان سماچار / Mohammad Khan