جموں, 06 اگست (ہ س)۔ جموں کے نروال علاقے میں واقع ہندوستان پٹرولیم کارپوریشن لمیٹڈ ڈپو کے باہر جمعرات کو آئل ٹینکر ڈرائیوروں نے احتجاجی مظاہرہ کیا۔ مظاہرین نے مطالبہ کیا کہ جموں سرینگر قومی شاہراہ کی بحالی تک انہیں اپنے ایندھن سے بھرے ٹینکر چنینی میں کھڑے کرنے کی اجازت دی جائے۔احتجاج کرنے والے ڈرائیوروں نے الزام لگایا کہ ٹریفک حکام ایندھن بردار ٹینکروں کو جموں سے آگے چنینی، نگروٹہ یا کٹرا کی جانب جانے کی اجازت نہیں دے رہے، جس کے باعث ٹینکروں کی نقل و حمل متاثر ہو رہی ہے اور ڈرائیوروں کو غیر ضروری مشکلات کا سامنا کرنا پڑ رہا ہے۔

مظاہرین کا کہنا تھا کہ اگر ٹینکروں کو چنینی تک جانے کی اجازت دی جائے تو قومی شاہراہ کھلتے ہی وادی کشمیر کی جانب ایندھن کی سپلائی بروقت شروع کی جا سکتی ہے۔ انہوں نے متعلقہ حکام سے مطالبہ کیا کہ اس مسئلے کا فوری حل نکالا جائے تاکہ ایندھن کی ترسیل میں کسی قسم کی رکاوٹ پیدا نہ ہو۔

ہندوستھان سماچار

---------------

ہندوستان سماچار / محمد اصغر