لندن، 6 اگست (ہ س): لندن میں بھارتی سفارت خانے کے سامنے بدھ کے روز جموں و کشمیر سے آرٹیکل 370 ہٹائے جانے کی برسی کے موقع پر مظاہرہ کیا گیا۔ مظاہرین نے اس موقع پر کشمیر کا معاملہ بھی اٹھایا اور اس دن کو یومِ استحصالِ کشمیر کا نام دیا۔

قابلِ ذکر ہے کہ بھارت حکومت نے 5 اگست 2019 کو صدرِ جمہوریہ کے حکم کے ذریعے آرٹیکل 370 اور 35 اے کی بیشتر دفعات کو غیر مؤثر کر دیا تھا۔ حکام کے مطابق اس کے بعد سے جموں و کشمیر میں پہلے کے مقابلے میں امن و امان کی صورتحال بہتر ہوئی ہے۔

پاکستانی چینل دنیا نیوز کی رپورٹ کے مطابق مظاہرین نے اس موقع پر کشمیر اور پاکستان کے پرچم لہرائے۔ کچھ مظاہرین نے دعویٰ کیا کہ پاکستان کشمیر کو بھارت سے حاصل کرکے رہے گا۔ مظاہرین نے الزام لگایا کہ لندن میں واقع بھارتی سفارت خانہ پاکستان مخالف اور کشمیر مخالف سرگرمیوں میں ملوث ہے۔

مظاہرین نے کشمیر میں انسانی حقوق کی مبینہ خلاف ورزیوں کا الزام لگاتے ہوئے عالمی برادری سے اس معاملے پر توجہ دینے کا مطالبہ کیا۔ اس مظاہرے میں برطانوی کشمیری اور پاکستانی برادری سے تعلق رکھنے والے افراد نے شرکت کی۔

قابلِ ذکر ہے کہ 2019 کے بعد ہر سال 5 اگست کو پاکستان کی حمایت سے اس طرح کے مظاہرے کیے جاتے ہیں۔

ہندوستھان سماچار

---------------

ہندوستان سماچار / عبدالواحد