نئی دہلی، 6 اگست (ہ س)۔ دودھ کی مصنوعات تیار کرنے اور مارکیٹ کرنے والی کمپنی ملکی مسٹڈیری فوڈ لمیٹڈ کے پبلک ایشو (آئی پی او) کے پرائس بینڈ اور لاٹ سائز کا اعلان کر دیا گیا ہے۔ اس آئی پی او میں بولی لگانے کے لیے پرائس بینڈ 133 سے لے کر 140 روپے فی شیئر ہے، جس میں 107 شیئرز کا لاٹ سائز ہے۔ کمپنی کا مقصد اس پبلک ایشو کے ذریعے مارکیٹ سے 1,553 کروڑ روپے جمع کرنا ہے۔

ملکی مسٹ ڈیری فوڈز لمیٹڈ کا یہ ایشو 11 اگست کو سبسکرپشن کے لیے کھلے گا۔ سرمایہ کار 13 اگست تک بولی لگا سکیں گے۔ بند ہونے کے بعد، 14 اگست کو حصص الاٹ کیے جائیں گے، الاٹ کیے گئے حصص 17 اگست کو ڈیمیٹ اکاؤنٹس میں جمع کیے جائیں گے۔ کمپنی کے حصص کی لسٹنگ بی ایس ای اور این ایس ای میں 18 اگست کو متوقع ہے۔

اس آئی پی او میں، خوردہ سرمایہ کار کم از کم 1 لاٹ یعنی 107 شیئرز کے لیے بولی لگا سکتے ہیں، جس کے لیے انہیں 14,980 روپے کی سرمایہ کاری کرنی ہوگی۔ اسی طرح خوردہ سرمایہ کار 1,94,740 روپے کی سرمایہ کاری کر کے زیادہ سے زیادہ 13 لاٹس یعنی 1,391 حصص کے لیے بولی لگا سکتے ہیں۔ اس آئی پی او کے تحت کل 11,09,43,193 شیئرز جن کی قیمت 2 روپے ہے جاری کی جائے گی۔ ان میں تقریباً 1,428 کروڑ روپے کے 10,20,14,623 نئے حصص جاری کیے جائیں گے۔ اس کے علاوہ 125 کروڑ روپے مالیت کے 89,28,570 شیئرز آفر فار سیل ونڈو کے ذریعے فروخت کیے جائیں گے۔

آئی پی او کا زیادہ سے زیادہ حصہ 50فیصد اہل ادارہ جاتی خریداروں (کیو آئی بی) کے لیے مختص ہے۔ 35 فیصد حصہ خوردہ سرمایہ کاروں کے لیے اور کم از کم 15فیصد حصہ غیر ادارہ جاتی سرمایہ کاروں ( این آئی آئی ) کے لیے مختص ہے۔ جے ایم فائنانشیل لمیٹڈ کو ایشو کے لیے بک رننگ لیڈ مینیجر کے طور پر مقرر کیا گیا ہے۔کے فن ٹیکنالوجیزلمیٹڈ کو رجسٹرار مقرر کیا گیا ہے۔

ہندوستھان سماچار

ہندوستان سماچار / محمد شہزاد