اپڈیٹ۔۔۔ ایم وی الیکٹرو سسٹمز کی اسٹاک مارکیٹ میں زوردار شروعات، پریمیم لسٹنگ کے بعد اپر سرکٹ لگانئی دہلی، 06 اگست (ہ س)۔ ریلوے رولنگ اسٹاک میں استعمال ہونے والے الیکٹریکل اور پاور الیکٹرانکس ایکوپمنٹ کے ڈیزائن، ڈیولپمنٹ، اسمبلی اور مینوفیکچرنگ کا کام کرنے والی کمپنی ایم وی الیکٹروسسٹمز کے شیئروں نے آج اسٹاک مارکیٹ میں مضبوطی کے ساتھ کاروبار کی شروعات کی۔ آئی پی او کے تحت کمپنی کے شیئر 425 روپے کی قیمت پر جاری کیے گئے تھے۔ آج بی ایس ای پر اس کی لسٹنگ 22.12 فیصد پریمیم کے ساتھ 519 روپے کی سطح پر اور این ایس ای پر 22.35 فیصد پریمیم کے ساتھ 520 روپے کی سطح پر ہوئی۔لسٹنگ کے بعد ہوئی منافع وصولی کے سبب ہوئی فروخت کی وجہ سے یہ شیئر کچھ دیر کے لیے گر کر 518.95 روپے کی سطح تک پہنچا۔ اس کے بعد خریداروں نے خریداری کا زور بنا دیا۔ مسلسل ہوئی خریداری کے سبب کمپنی کے شیئر تیزی دکھاتے ہوئے 622.75 روپے کے اپر سرکٹ لیول پر پہنچ کر بند ہوئے۔ اس طرح پہلے دن کے کاروبار میں کمپنی کے آئی پی او سرمایہ کاروں کو فی شیئر 197.75 روپے یعنی 46.53 فیصد کا فائدہ ہو گیا۔ایم وی الیکٹروسسٹمز کا 290 کروڑ روپے کا آئی پی او 30 جولائی سے تین اگست کے درمیان سبسکرپشن کے لیے کھلا تھا۔ اس آئی پی او کو سرمایہ کاروں کی جانب سے زبردست رسپانس ملا تھا، جس کی وجہ سے یہ اوور آل 200.66 گنا سبسکرائب ہوا تھا۔ ان میں کوالیفائیڈ انسٹی ٹیوشنل بائرس (کیو آئی بی) کے لیے ریزرو پورشن 96.13 گنا سبسکرائب ہوا تھا۔ اسی طرح نان انسٹی ٹیوشنل انویسٹرس (این آئی آئی) کے لیے ریزرو پورشن میں 397.99 گنا سبسکرپشن آیا تھا، جبکہ ریٹیل انویسٹرس کے لیے ریزرو پورشن 218.25 گنا سبسکرائب ہوا تھا۔اس آئی پی او کے تحت 5 روپے فیس ویلیو والے 290 کروڑ روپے کے کل 68,23,528 نئے شیئر جاری کیے گئے ہیں۔ آئی پی او کے ذریعے حاصل کردہ پیسے کا استعمال کمپنی نئے پاور الیکٹرانک ایکوپمنٹ کے لیے ریسرچ، ڈیزائن اور ڈیولپمنٹ ایکٹیویٹیز میں سرمایہ کاری کرنے، ورکنگ کیپیٹل کی ضروریات کو پورا کرنے اور عام کارپوریٹ مقاصد میں کرے گی۔ایم وی الیکٹروسسٹمز کی مالی صورتحال کی بات کریں تو پراسپیکٹس میں کیے گئے دعوے کے مطابق اس کی مالی صحت میں اتار چڑھاو ہوتا رہا ہے۔ مالی سال 24-2023 میں کمپنی کو 56 لاکھ روپے کا خالص منافع ہوا تھا، جو اگلے مالی سال 25-2024 میں بڑھ کر 1.40 کروڑ روپے کی سطح پر پہنچ گیا۔ وہیں گزشتہ مالی سال 26-2025 میں کمپنی کو 12.63 کروڑ روپے کا خالص خسارہ ہو گیا۔اس دوران کمپنی کے ریونیو کی وصولی میں بھی اتار چڑھاو ہوتا رہا۔ مالی سال 24-2023 میں اسے 50.57 کروڑ کا کل ریونیو حاصل ہوا، جو مالی سال 25-2024 میں بڑھ کر 64.64 کروڑ روپے کی سطح پر آ گیا۔ گزشتہ مالی سال 26-2025 میں کمپنی کی ریونیو کی وصولی گھٹ کر 49.79 کروڑ روپے رہ گئی۔ اس مدت میں کمپنی کے قرض میں بھی اتار چڑھاو ہوتا رہا۔ مالی سال 24-2023 کے اختتام پر کمپنی پر 27.59 کروڑ روپے کے قرض کا بوجھ تھا، جو مالی سال 25-2024 میں گھٹ کر 27.50 کروڑ روپے کی سطح پر آ گیا۔ گزشتہ مالی سال 26-2025 کے اختتام تک کمپنی پر لادے قرض کا بوجھ بڑھ کر 49.89 کروڑ روپے کی سطح پر آ گیا۔اس مدت میں کمپنی کے نیٹ ورتھ میں مسلسل اضافہ ہوا۔ مالی سال 24-2023 میں یہ 16.53 کروڑ روپے کی سطح پر تھا، جو 25-2024 میں بڑھ کر 17.91 کروڑ روپے ہو گیا۔ اسی طرح گزشتہ مالی سال 26-2025 میں کمپنی کا نیٹ ورتھ بڑھ کر 62.57 کروڑ روپے کی سطح پر پہنچ گیا۔ کمپنی کے ریزرو اور سرپلس کی بات کریں تو اس مدت میں کمپنی کو اس محاذ پر اتار چڑھاو کا سامنا کرنا پڑا۔ مالی سال 24-2023 میں یہ 9.15 کروڑ روپے کی سطح پر تھا، جو 25-2024 میں گھٹ کر 8.77 کروڑ روپے ہو گیا۔ اسی طرح گزشتہ مالی سال 26-2025 میں کمپنی کا ریزرو اور سرپلس بڑھ کر 52.34 کروڑ روپے کی سطح پر پہنچ گیا تھا۔ہندوستھان سماچار
---------------
ہندوستان سماچار / انظر حسن
