نئی دہلی، 6 اگست (ہ س)۔

مرکزی وزارت صحت اور خاندانی بہبود نے ادویات ضوابط، 1945 میں ترمیم کا نوٹیفکیشن جاری کر دیا ہے۔ نئے ضوابط کے تحت فرضی اعداد و شمار یا جعلی دستاویزات جمع کرانے والے درخواست گزاروں کی آئندہ درخواستیں مقررہ مدت تک قبول نہیں کی جائیں گی۔ اس ترمیم کا مقصد ادویاتی ریگولیٹری نظام میں شفافیت، جواب دہی اور بھروسے کو مضبوط بنانا ہے۔

مرکزی وزارت صحت اور خاندانی بہبود کے مطابق یہ ترمیم جی ایس آر نمبر 756 (ای)، 16 اکتوبر 2025 کے ذریعے نافذ کی گئی ہے۔ ادویات اور کاسمیٹکس ایکٹ، 1940 کے موجودہ نافذ ضوابط کے علاوہ اب لائسنس جاری کرنے والے مجاز ادارے کو یہ اختیار بھی دیا گیا ہے کہ وہ فرضی اعداد و شمار یا جعلی دستاویزات جمع کرانے والے ادارے کی نئی درخواستیں مقررہ مدت تک قبول نہ کرے۔ یہ ضابطہ ادویات ضوابط، 1945 کی مختلف دفعات کے تحت جمع کرائی جانے والی تمام درخواستوں پر نافذ ہوگا۔ کارروائی سے پہلے وجہ بتاو نوٹس جاری کیا جائے گا، جبکہ اپیل کا حق بھی برقرار رہے گا۔

وزارت نے کہا کہ سائنسی طور پر ثابت شدہ اور قابل اعتماد اعداد و شمار ہی ادویات کے معیار، حفاظت اور افادیت کے جائزے کی بنیاد ہوتے ہیں۔ فرضی اعداد و شمار نہ صرف ریگولیٹری عمل کی ساکھ کو متاثر کرتے ہیں بلکہ عوامی صحت کے لیے بھی سنگین خطرات پیدا کر سکتے ہیں۔ اس ترمیم کا مقصد ایسے غیر قانونی طرز عمل کی حوصلہ شکنی کرنا اور ادویات کی منظوری کو سائنسی شواہد کی بنیاد پر یقینی بنانا ہے۔

ہندوستھان سماچار

---------------

ہندوستان سماچار / انظر حسن