نئی دہلی، 6 اگست (ہ س)۔ عالمی بازار سے آج ملے جلے اشارے مل رہے ہیں۔ امریکی بازار میں گزشتہ سیشن کے دوران ملا جلا کاروبار ہوتا رہا۔ وہیں ڈاو جونز فیوچرز آج فی الحال اضافے کے ساتھ کاروبار کرتا ہوا نظر آ رہا ہے۔ یورپی بازار بھی گزشتہ سیشن کے دوران ملے جلے نتائج کے ساتھ بند ہوئے۔ اسی طرح ایشیائی بازار میں بھی آج ملا جلا کاروبار ہو رہا ہے۔ٹیکنالوجی سیکٹر میں آئی گراوٹ کے سبب امریکی بازار گزشتہ سیشن کے دوران ملے جلے نتائج کے ساتھ بند ہوئے۔ ڈاو جونز انڈسٹریل ایوریج گزشتہ سیشن کے کاروبار میں 263.24 پوائنٹس یعنی 0.49 فیصد کے اضافے کے ساتھ بند ہوا۔ دوسری جانب، ایس اینڈ پی 500 انڈیکس نے 0.17 فیصد کی کمزوری کے ساتھ 7,723.55 پوائنٹس کی سطح پر گزشتہ سیشن کے کاروبار کا اختتام کیا۔ اسی طرح نیسڈیک 221.55 پوائنٹس یعنی 0.83 فیصد گر کر 26,363.44 پوائنٹس کی سطح پر بند ہوا۔یورپی بازار گزشتہ سیشن کے دوران دباو میں کاروبار کرنے کے بعد ملے جلے نتائج کے ساتھ بند ہوئے۔ ایف ٹی ایس ای انڈیکس 0.08 فیصد کی مضبوطی کے ساتھ 10,888.30 پوائنٹس کی سطح پر بند ہوا۔ اسی طرح سی اے سی انڈیکس نے 0.03 فیصد کے معمولی اضافے کے ساتھ 8,669.30 پوائنٹس کی سطح پر گزشتہ سیشن کے کاروبار کا اختتام کیا۔ اس کے برعکس ڈی اے ایکس انڈیکس 76.05 پوائنٹس یعنی 0.29 فیصد کی کمزوری کے ساتھ 26,126.30 پوائنٹس کی سطح پر بند ہوا۔ایشیائی بازار میں آج فی الحال ملا جلا کاروبار ہو رہا ہے۔ ایشیا کے نو بازاروں میں سے پانچ کے انڈیکس کمزوری کے ساتھ سرخ نشان میں کاروبار کر رہے ہیں، جبکہ چار انڈیکس مضبوطی کے ساتھ سبز نشان میں برقرار ہیں۔ گفٹ نفٹی 116.50 پوائنٹس یعنی 0.47 فیصد کی مضبوطی کے ساتھ 24,751 پوائنٹس کی سطح پر کاروبار کر رہا ہے۔ اسی طرح سیٹ کمپوزٹ انڈیکس 0.63 فیصد کی تیزی کے ساتھ 1,619.92 پوائنٹس کی سطح پر پہنچا ہوا ہے۔ اس کے علاوہ اسٹریٹس ٹائمز انڈیکس 1.03 فیصد کے اضافے کے ساتھ 5,638.62 پوائنٹس کی سطح پر آ گیا ہے۔ وہیں شنگھائی کمپوزٹ انڈیکس 0.01 فیصد کے علامتی اضافے کے ساتھ 3,878.92 پوائنٹس کی سطح پر کاروبار کرتا ہوا نظر آ رہا ہے۔دوسری جانب، نکیئی انڈیکس 735.44 پوائنٹس یعنی 1.11 فیصد گر کر 65,565 پوائنٹس کی سطح پر کاروبار کر رہا ہے۔ اسی طرح ہینگ سینگ انڈیکس 429.82 پوائنٹس یعنی 1.69 فیصد گر کر 25,486 پوائنٹس کی سطح پر آ گیا ہے۔ کوسپی انڈیکس میں آج بڑی گراوٹ درج کی گئی ہے۔ فی الحال یہ انڈیکس 300.97 پوائنٹس یعنی 4.56 فیصد گر کر 6,297.29 پوائنٹس کی سطح پر پہنچا ہوا ہے۔ اس کے علاوہ تائیوان ویٹڈ انڈیکس 190.60 پوائنٹس یعنی 0.43 فیصد کی کمزوری کے ساتھ 44,421 پوائنٹس کی سطح پر اور جکارتا کمپوزٹ انڈیکس 0.02 فیصد کی معمولی گراوٹ کے ساتھ 6,349.84 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن