لکھنؤ، 5 اگست (ہ س)۔ سماج وادی پارٹی کے اراکین اسمبلی نے آج پھر اتر پردیش قانون ساز اسمبلی میں چودھری چرن سنگھ کے مجسمے کے سامنے دھرنا دیا۔ منگل کو اسمبلی میں ہنگامہ آرائی کے بعد اسپیکر ستیش مہانا نے سماج وادی پارٹی کے ایم ایل اے انجینئر سچن یادو کو پورے اجلاس کے لیے معطل کردیا۔ اس کے بعد انہوں نے دھرنا دیا اور آج بدھ کو بھی سماج وادی پارٹی کے ایم ایل اے ہڑتال پر بیٹھے ہیں۔

سماج وادی پارٹی کے سینئر لیڈر شیو پال یادو، اپوزیشن لیڈر ماتا پرساد پانڈے اور دیگر احتجاج میں موجود ہیں۔ احتجاج پر بیٹھے اراکین اسمبلی نے ہاتھوں میں حکومت مخالف نعرے لکھے پوسٹر اٹھا رکھے ہیں۔ وہ رام مندرچڑھاوا چوری سے لے کر کسانوں ، خواتین، نوجوانوں اور طلبا کے مسائل پر لکھے پوسٹر اٹھائے ہوئے ہیں۔ وہ حکومت مخالف نعرے بازی کررہے ہیں۔

ہندوستھان سماچار

ہندوستان سماچار / محمد شہزاد