ابتدائی کاروبار کے دوران سینسیکس میں تیزی، نفٹی پر دباو

نئی دہلی، 05 اگست (ہ س)۔ گھریلو شیئر بازار میں آج شروعاتی گھنٹے کے دوران ملا جلا کاروبار ہوتا ہوا نظر آ رہا ہے۔ آج کے کاروبار کی شروعات مضبوطی کے ساتھ ہوئی تھی۔ حالانکہ بازار کھلتے ہی فروخت کا دباو بن گیا، جس سے سینسیکس اور نفٹی دونوں انڈیکس کی حرکت میں گراوٹ بھی آئی۔ حالانکہ پہلے 20 منٹ کے کاروبار کے بعد ہی خریداری شروع ہونے کے سبب دونوں انڈیکس کی چال میں سدھار ہونے لگا۔ پہلے ایک گھنٹے کا کاروبار ہونے کے بعد سینسیکس 0.46 فیصد اور نفٹی 0.02 فیصد کی مضبوطی کے ساتھ کاروبار کر رہے تھے۔

مضبوط عالمی رجحانات اور خام تیل کی قیمت میں آئی گراوٹ کی وجہ سے بی ایس ای کا سینسیکس آج 626.43 پوائنٹس یعنی 0.80 فیصد کی تیزی کے ساتھ 79,055.38 پوائنٹس کی سطح پر کھلا۔ بازار کھلتے ہی فروخت کا دباو بننے کی وجہ سے پہلے 20 منٹ میں ہی یہ انڈیکس اوپننگ لیول سے 300 پوائنٹس سے زیادہ گر کر 78,745.61 پوائنٹس کی سطح پر آ گیا۔ اس کے بعد خریداروں نے خریداری کا زور بنا دیا، جس سے اس انڈیکس کی حرکت میں معمولی بہتری ہوتی نظر آنے لگی۔ بازار میں مسلسل جاری خرید و فروخت کے درمیان پہلے ایک گھنٹے کا کاروبار ہونے کے بعد صبح 10.15 بجے سینسیکس 359.31 پوائنٹس کی مضبوطی کے ساتھ 78,788.26 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 54.30 پوائنٹس یعنی 0.22 فیصد اضافے کے ساتھ 24,669.20 پوائنٹس کی سطح سے کاروبار کی شروعات کی۔ بازار کھلتے ہی فروخت کا دباو بننے کی وجہ سے تھوڑی دیر میں ہی یہ انڈیکس گر کر سرخ نشان میں 24,581.55 پوائنٹس کی سطح تک پہنچ گیا۔ اس کے بعد خریداروں نے خریداری کا زور بنا دیا، جس سے اس انڈیکس کی چال میں معمولی سدھار ہوتا ہوا نظر آیا۔ بازار میں مسلسل جاری خرید و فروخت کے درمیان ابتدائی ایک گھنٹے کا کاروبار ہونے کے بعد صبح 10.15 بجے نفٹی 3.75 پوائنٹس کے علامتی اضافے کے ساتھ 24,618.65 پوائنٹس کی سطح پر کاروبار کر رہا تھا۔

ابھی تک کے کاروبار میں شیئر بازار میں 2,774 شیئروں میں ایکٹیو ٹریڈنگ ہو رہی تھی۔ ان میں سے 1,979 شیئر منافع کما کر سبز نشان میں کاروبار کر رہے تھے، جبکہ 795 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 24 شیئر خریداری کی حمایت سے سبز نشان میں برقرار تھے۔ دوسری جانب چھ شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 22 شیئر سبز نشان میں اور 28 شیئر سرخ نشان میں کاروبار کرتے نظر آ رہے تھے۔

ابتدائی ایک گھنٹے کا کاروبار ہونے کے بعد شیئر بازار کی سرکردہ کمپنیوں میں سے لارسن اینڈ ٹوبرو، انٹر گلوب ایوی ایشن، ایچ ڈی ایف سی لائف، شری رام فنانس اور این ٹی پی سی کے شیئر 1.90 فیصد سے لے کر 1.19 فیصد کی مضبوطی کے ساتھ کاروبار کر رہے تھے۔ دوسری جانب، اپولو ہاسپٹل، سن فارماسیوٹیکلز، ٹی سی ایس، ایس بی آئی لائف انشورنس اور ایچ سی ایل ٹیکنالوجی کے شیئر 2.16 فیصد سے لے کر 1.01 فیصد کی گراوٹ کے ساتھ کاروبار کرتے ہوئے نظر آ رہے تھے۔

ہندوستھان سماچار

--------------

ہندوستان سماچار / انظر حسن