وکٹ لینے کے بعد جشن مناتے مینک گسائیں

نئی دہلی، 05 اگست (ہ س)۔ ویسٹ دہلی لائنز نے دہلی پریمیئر لیگ (ڈی پی ایل) 2026 میں شاندار ہمہ جہت کارکردگی کا مظاہرہ کرتے ہوئے منگل کی رات ساوتھ دہلی سپر اسٹارز کو پانچ وکٹ سے شکست دے دیا۔ پہلے گیند بازوں نے ساوتھ دہلی کی ٹیم کو 19.5 اوور میں 160 رن پر سمیٹ دیا، اس کے بعد ہدف کو پانچ وکٹ باقی رہتے حاصل کر لیا۔ پہلے بلے بازی کرتے ہوئے ساوتھ دہلی سپر اسٹارز کی ٹیم وقفے وقفے سے وکٹیں گنواتی رہی اور کوئی بھی بڑی شراکت داری نہیں کر سکی۔ ویسٹ دہلی کے گیند بازوں نے پورے میچ میں درست لائن اور لینتھ سے گیند بازی کرتے ہوئے بلے بازوں کو کھل کر کھیلنے کا موقع نہیں دیا۔

اننگز کے آخری مرحلے میں ویجن پانچال نے 12 گیندوں پر 24 رن کی تیز اننگز کھیل کر ٹیم کو 160 رن تک پہنچانے میں اہم کردار ادا کیا۔ ویسٹ دہلی لائنز کی جانب سے مینک گسائیں نے شاندار گیند بازی کرتے ہوئے چار اوور میں صرف 13 رن دے کر تین وکٹ حاصل کیے۔ کلونت کھیجرولیا نے دو وکٹ لیے، جبکہ نیتش رانا نے بھی ایک کامیابی حاصل کی۔ 161 رن کے ہدف کا تعاقب کرنے اتری ویسٹ دہلی لائنز کی شروعات اچھی نہیں رہی اور ٹیم نے پاور پلے میں ہی 26 رن پر دو وکٹ گنوا دیے۔

اس کے بعد نیتش رانا اور کرش یادو نے تیسری وکٹ کے لیے 58 رن جوڑ کر اننگز کو سنبھالا۔ رانا نے 25 گیندوں پر 32 رن کی محتاط اننگز کھیلی۔ مڈل آرڈر میں کچھ وکٹیں گرنے کے باوجود ویسٹ دہلی کی ٹیم میچ پر اپنی پکڑ بنائے رکھی۔ اس کے بعد آیوش دوسوجا نے دباو میں 27 گیندوں پر 44 رن کی اہم اننگز کھیلی۔ انہیں مینک گسائیں کا اچھا ساتھ ملا، جنہوں نے 10 گیندوں پر ناٹ آوٹ 19 رن بنا کر اپنی آل راونڈ کارکردگی کو مکمل کیا اور ٹیم کو پانچ وکٹ سے جیت دلا دی۔

ہندوستھان سماچار

--------------

ہندوستان سماچار / انظر حسن