بیڑ، 5 اگست (ہ س)۔ درج فہرست ذاتوں کی ذیلی درجہ بندی (الف، ب، ج، د) کے خلاف 10 اگست کو نکالے جانے والے احتجاجی مارچ سے قبل عوامی بیداری مہم کا آغاز کر دیا گیا۔ اس سلسلے میں پرلی شہر کے رانی لکشمی بائی ٹاور چوک میں ایل ای ڈی بیداری وین کا افتتاح کیا گیا۔ منتظمین کے مطابق ایل ای ڈی وین کے ذریعے درج فہرست ذاتوں کی ذیلی درجہ بندی کے فیصلے کے خلاف عوام کو آگاہ کیا جائے گا، احتجاجی مارچ کے مقاصد سے روشناس کرایا جائے گا اور سماج کے افراد سے بڑی تعداد میں مارچ میں شرکت کی اپیل کی جائے گی۔اطلاعات کے مطابق یہ بیداری وین شہر کے علاوہ دیہی علاقوں کا بھی دورہ کرے گی اور مختلف مقامات پر عوامی بیداری مہم چلائے گی۔اس موقع پر مختلف سماجی تنظیموں کے عہدیداران، کارکنان اور سماج کے افراد بڑی تعداد میں موجود تھے۔ مقررین نے کہا کہ 10 اگست کے احتجاجی مارچ کو کامیاب بنانے کے لیے تمام افراد متحد ہو کر بھرپور شرکت کریں تاکہ ذیلی درجہ بندی کے خلاف مؤثر آواز بلند کی جا سکے۔

ہندوستھان سماچار

--------------------

ہندوستان سماچار / جاوید این اے