جموں, 05 اگست (ہ س): ہماچل پردیش کے گورنر اور جموں و کشمیر کے سابق نائب وزیر اعلیٰ کویندر گپتا نے کہا ہے کہ دفعہ 370 کی منسوخی سے جموں و کشمیر میں مساوی حقوق، سماجی انصاف اور ترقی کے نئے دور کا آغاز ہوا ہے۔

دفعہ 370 کی منسوخی کے سات سال مکمل ہونے کے موقع پر جاری ایک بیان میں انہوں نے کہا کہ یہ فیصلہ آزاد ہندوستان کی تاریخ کا ایک اہم سنگ میل ثابت ہوا، جس کے نتیجے میں جموں و کشمیر مکمل طور پر قومی دھارے سے جڑ گیا اور ایک آئین، ایک قانون اور سب کے لیے مساوی حقوق کے اصول کو مزید تقویت ملی۔

انہوں نے کہا کہ ویسٹ پاکستان سے آئے مہاجرین، والمیکی سماج، گورکھا برادری اور دیگر محروم طبقات کو اب آئینی حقوق اور مساوی مواقع حاصل ہوئے ہیں، جبکہ تعلیم، روزگار، سماجی انصاف اور معاشی ترقی کے نئے امکانات بھی پیدا ہوئے ہیں۔

کویندر گپتا نے وزیر اعظم نریندر مودی، مرکزی وزیر داخلہ امت شاہ اور حکومت ہند کی قیادت کو سراہتے ہوئے کہا کہ ان کی کوششوں سے جموں و کشمیر میں برابری، بااختیار بنانے اور ترقی کے عمل کو نئی رفتار ملی ہے۔

انہوں نے کہا کہ جموں و کشمیر امن، ترقی اور خوشحالی کی راہ پر آگے بڑھ رہا ہے اور انہوں نے عوام کے روشن مستقبل کے لیے نیک خواہشات کا اظہار بھی کیا۔

ہندوستھان سماچار

---------------

ہندوستان سماچار / محمد اصغر