سرینگر، 5 اگست،( ہ س)۔ جموں و کشمیر میں اگلے 10 دنوں کے دوران وقفے وقفے سے بارش اور گرج چمک کے ساتھ بارش کا امکان ہے، موسم کی تازہ ترین پیشین گوئی کے مطابق، 9 اور 11 اگست کے درمیان کئ مقامات پر موسلادھار بارش کا امکان ہے۔ پیشن گوئی کے مطابق 6 سے 8 اگست تک کئی مقامات پر ہلکی سے درمیانی بارش یا گرج چمک کے ساتھ بارش کا امکان ہے، جبکہ چند مقامات پر ہلکی بارش کا امکان ہے۔9 اور 11 اگست کے درمیان موسم باراں کا ایک تازہ سلسلہ متوقع ہے، جبکہ یونین ٹیریٹری کے بہت سے حصوں میں ہلکی بارش ہو سکتی ہے، وہیں چند اضلاع میں تیز بارش ہو سکتی ہے۔ محکمہ موسمیات نے خبردار کیا ہے کہ اس دوران الگ تھلگ مقامات پرشدید بارش، سیلاب، لینڈ سلائیڈنگ اور خطرناک علاقوں میں پتھر گرنے کا سبب بن سکتی ہیں۔ اس کے علاوہ مقامی ندیوں اور ندی نالوں میں پانی کی سطح میں اضافہ ہو سکتا ہے۔ موسلا دھار بارش ہونے کی صورت میں سطحی نقل و حمل، خاص طور پر پہاڑی سڑکوں اور جموں سری نگر قومی شاہراہ پر عارضی رکاوٹ کو خارج از امکان قرار نہیں دیا جا سکتا۔

12 سے 15 اگست تک موسم عام طور پر غیر مستحکم رہنے کی توقع ہے، کئی مقامات پر ہلکی بارش یا گرج چمک کے ساتھ بارش اور کہیں کہیں ہلکی بارش کا امکان ہے۔

گزشتہ 24 گھنٹوں کے دوران ادھم پور میں 66.6 ملی میٹر، کٹھوعہ میں 81 ملی میٹر، سانبہ میں 47 ملی میٹر اور کٹرا میں 51 ملی میٹر بارش ریکارڈ کی گئی۔حکام نے رہائشیوں، سیاحوں اور مسافروں کو مشورہ دیا ہے کہ وہ الرٹ رہیں، خاص طور پر سیلاب زدہ اور لینڈ سلائیڈنگ متاثرہ علاقوں میں اور سفر کرنے سے پہلے موسم کی سرکاری ہدایات پر عمل کریں۔ ہندوستھان سماچار

ہندوستان سماچار / Aftab Ahmad Mir