نئی دہلی، 5 اگست(ہ س)۔ سینیٹری پیڈ، بیبی ڈایپر اور ایڈلٹ کیئر کی مصنوعات بنانے والی کمپنی ایچ آر ہائیجین پروڈکٹس لمیٹڈ کے حصص آج معمولی اضافہ کے ساتھ شیئربازار میں داخل ہوئے۔ کمپنی کے حصص آئی پی او کے تحت 88 روپے کی قیمت پر جاری کیے گئے تھے۔ آج، یہ بی ایس ای کے ایس ایم ای پلیٹ فارم پر 2.27 فیصد کے پریمیم کے ساتھ 90 روپے کی سطح پر درج ہوا۔لسٹنگ کے بعد کی خریداری کی مدد سے شیئر 91 روپے کی سطح پر پہنچ گیا، جبکہ فروخت کے دباو¿ کی وجہ سے یہ85.50 روپے کے نچلے سرکٹ کی سطح پر بھی چلا گیا۔ تاہم، بعد میں خریداروں نے خریداری شروع کیا اور نچلے سرکٹ کو توڑ دیا۔11:45 بجے تک کاروبار کے بعد حصص 89.99روپے کی سطح پر پہنچ چکے تھے۔اس طرح سے اب تک ٹریڈنگ میں، کمپنی کے آئی پی او سرمایہ کاروں نے فی حصص1.99روپے یعنی 2.26 فیصدمنافع حاصل کیے تھے۔

ایچ آر ہائیجین پروڈکٹس لمیٹڈ کا 53.95 کروڑ روپے کا آئی پی او 29 جولائی سے 31 جولائی کے درمیان سبسکرپشن کے لیے کھلا تھا۔ آئی پی او کو سرمایہ کاروں کی طرف سے اوسط ردعمل ملا، جس کی وجہ سے اسے مجموعی طور پر 6.65 گنا سبسکرائب کیا گیا۔ ان میںاہل ادارہ جاتی خریداروں (کیو آئی بی) کے لیے مخصوص حصے کے 2.81 گنا سبسکرائب کیا گیا تھا۔ اسی طرح، غیر ادارہ جاتی سرمایہ کاروں (این آئی آئی) کے لیے مخصوص حصے کو 11.83 گنا سبسکرائب کیا گیا۔ اسی طرح خوردہ سرمایہ کاروں کے لیے مخصوص حصے کو 6.74 گنا سبسکرائب کیا گیا۔

اس آئی پی او کے تحت 10 روپے کی فیس ویلیو والے کل 61,31,200 حصص جاری کیے گئے ہیں۔ اس میں سے تقریبا 11 کروڑ روپے کے حصص پیشکش برائے فروخت ونڈو کے ذریعے فروخت کیے گئے ہیں، جبکہ تقریبا 43 کروڑ روپے کے 49,05,600نئے حصص جاری کیے گئے ہیں۔ آئی پی او کے ذریعے اکٹھا کی گئی رقم راجکوٹ میں ایک نئی مینوفیکچرنگ سہولت قائم کرنے، قرض کو کم کرنے، ورکنگ کیپٹل کی ضروریات کو پورا کرنے اور عام کارپوریٹ مقاصد کے لیے استعمال کی جائے گی۔

ایچ آر ہائیجین پروڈکٹس لمیٹڈ کی مالی صحت کے بارے میں بات کریں تو، کیپٹل مارکیٹ ریگولیٹر سیبی کو جمع کرائے گئے ڈرافٹ ریڈ ہیرنگ پراسپیکٹس (ڈی آر ایچ پی) میں کیے گئے دعوے کے مطابق، اس کی مالی صحت مستقل طور پر مضبوط ہوئی ہے۔ مالی سال 2023تا2024 میں کمپنی کا خالص منافع 4.66 کروڑ روپے تھا، جو اگلے مالی سا2024تا2025 میں بڑھ کر 9.08 کروڑ روپے ہو گیا۔ اسی دوران، پچھلے مالی سال 2025تا2026 میں کمپنی کا خالص منافع 11.41 کروڑ روپے تھا۔

اس دوران کمپنی کی آمدنی کی وصولیابی میں بھی اضافہ ہوا۔ اس نے مالی سال 2023تا2024میں 85.33 کروڑ روپے کی کل آمدنی حاصل کی، جو مالی سال 2024تا2025میں بڑھ کر 115.15 کروڑ روپے ہو گئی۔ اسی دوران پچھلے مالی سال 2025تا2026 میں کمپنی کو 131.90 کروڑ روپے کی آمدنی حاصل ہوئی تھی۔

اس دوران کمپنی کے قرض میں اتار چڑھاو¿ آیا۔ مالی سال 2023تا2024کے اختتام پر کمپنی پر 24.68 کروڑ روپے کا قرض تھا، جو اگلے مالی سال 2024تا2025میں کم ہو کر 21.19 کروڑ روپے رہ گیا۔ اسی دوران، پچھلے مالی سال 2025تا2026 میں کمپنی پر قرض کا بوجھ معمولی طور پر بڑھ کر 21.53 کروڑ روپے ہو گیا۔

اس دوران کمپنی کی مجموعی مالیت میں بھی اضافہ ہوا۔ مالی سال 2023تا2024 میں یہ 5.90 کروڑ روپے کی سطح پر تھا۔ اسی طرح، کمپنی کی مجموعی مالیت 2024تا2025 میں بڑھ کر 31.44 کروڑ روپے ہو گئی۔ وہیں گزشتہ مالی سال 2025تا2026 میں کمپنی کی مجموعی مالیت 42.38 کروڑ روپے کی سطح پر پہنچ گئی تھی۔

کمپنی کے رزرو اور سرپلس کی بات کریں تو اس عرصے میں کمپنی اس محاذ پر بھی فائدہ اٹھانے میں کامیاب رہی ہے۔ مالی سال 2023تا2024 میں یہ 4.15 کروڑ روپے کی سطح پر تھا۔ اسی طرح 2024تا2025میں کمپنی کے رزرو اور سرپلس بڑھ کر 24.31 کروڑ روپے ہو گئے۔ اسی کے ساتھ ہی گزشتہ مالی سال2025تا2026 میں کمپنی کے رزرو اور سرپلس 24.58 کروڑ روپے کی سطح پر پہنچ گئے تھے۔

اسی طرح ای بی آئی ٹی ڈی اے (ارننگ بفور انٹریسٹ ،ٹیکسز،ڈپریشیئیشنس اینڈ ایمارٹائزیشن ) 2023تا2024 میں 7.58 کروڑ روپے تھی، جو 2024تا2025 میںبڑھ کر 14.77 کروڑ روپے ہو گئی۔ اسی دوران کمپنی کا ای بی آئی ٹی ڈی اے گزشتہ مالی سال 2025تا2026 میں بڑھ کر 17.08 کروڑ روپے کی سطح تک پہنچ گیاتھا۔

ہندوستھان سماچار

---------------

ہندوستان سماچار / عبدالسلام صدیقی