امپھال، 05 اگست (ہ س)۔ منی پور پولیس نے کالعدم آر پی ایف/پی ایل اے کے ایک سرگرم عسکریت پسند اور این ایس سی این (آئی ایم) کے دو مشتبہ جبری وصولی کرنے والے کو الگ الگ کارروائیوں میں گرفتار کیا ہے۔ اس کے علاوہ غیر قانونی شراب کے خلاف خصوصی مہم میں بڑی مقدار میںشراب بھی ضبط کی گئی ہے۔

پولیس کے مطابق ضلع کاکچنگ کے لینگمیدونگ مامنگ لیکائی کے رہائشی تھوکچوم سنجو میئتی عرف لوانگ (26) کو 4 اگست کو امپھال مغربی ضلع کے تھانگمیبند خویتھونگ پولم لیکائی علاقے سے گرفتار کیا گیا تھا۔ اس کے قبضے سے دو دستی بم برآمد ہوئے۔ پولیس کے مطابق وہ امپھال کے علاقے میں دستی بم نصب کرنے کے واقعات میں شامل تھا۔

ایک اور کارروائی میں، این ایس سی این (آئی ایم) کے دو مشتبہجبری وصولی کرنے والے کو تمینگلونگ ضلع کے کیمائی پولیس اسٹیشن کے علاقے کے تحت این ایچ-37 پر واقع سیبلونگ سے گرفتار کیا گیا۔ ان کی شناخت گیسواکلنگ نگاومیئی (45) اور جاب گنگمیئی (29) کے طور پر ہوئی ہے۔ ان کے پاس سے ایک زندہ کارتوس، 22,000 روپے نقد اور چارجر کے ساتھ دو باوفینگ مواصلاتی سیٹ برآمد ہوئے۔

اس دوران امپھال مغربی ضلع کے پٹسوئی پولیس اسٹیشن کے علاقے کے تحت پٹسوئی لمکھائی اور کھمبونگ بازار میں کی گئی ایک خصوصی مہم میں، پولیس نے 310 لیٹر ڈی آئی سی شراب بھی ضبط کی۔ پولیس نے کہا کہ غیر قانونی سرگرمیوں کے خلاف مہم بلا روک ٹوک جاری رہے گی۔

ہندوستھان سماچار

---------------

ہندوستان سماچار / عبدالسلام صدیقی