جموں, 4 اگست (ہ س): جموں و کشمیر کے ضلع پونچھ کی تحصیل منڈی کے گگڑیاں-ساوجیاں علاقے میں مقامی نالے میں بہہ جانے والی ایک معمر خاتون کی لاش منگل کی صبح برآمد کر لی گئی۔
پولیس کے مطابق متوفیہ کی شناخت 66 سالہ سرورہ بیگم زوجہ مختار احمد، سکنہ دانہ گگڑیاں کے طور پر ہوئی ہے۔ بتایا گیا ہے کہ وہ پیر کے روز گھر سے نکلنے کے بعد لاپتہ ہوگئی تھیں۔ اہل خانہ کی اطلاع پر پولیس اور مقامی لوگوں نے مشترکہ طور پر تلاشی مہم شروع کی۔
تلاشی کے دوران خاتون کی لاش گگڑیاں سے تقریباً سات کلو میٹر دور چمبر دتی گلہ ندی سے برآمد ہوئی۔ لاش کو قانونی کارروائی کے لیے سب ضلع اسپتال منڈی منتقل کیا گیا، جہاں ضروری کارروائی مکمل کرنے کے بعد اسے تدفین کے لیے اہل خانہ کے حوالے کر دیا گیا۔
پولیس نے واقعہ کا مقدمہ درج کرکے مزید تحقیقات شروع کر دی ہیں۔
ہندوستھان سماچار
---------------
ہندوستان سماچار / محمد اصغر
