کولکاتا، 4 اگست (ہ س)۔ منگل کو مغربی بنگال میں مانسون مکمل طور پرفعال ہے۔ محکمہ موسمیات کے مطابق شمالی بنگال کے کئی اضلاع میں شدیدسے بہت شدید بارش کا امکان ہے، جبکہ جنوبی بنگال کے بیشتر اضلاع میں گرج چمک کے ساتھ ہلکی سے اوسط بارش، بجلی گرنے اور 30 سے 40 کلومیٹر فی گھنٹہ کی رفتار سے تیز ہوائیں چلنے کا امکان ہے۔
شمالی بنگال کے دارجلنگ، کالمپونگ، جلپائی گڑی، علی پوردوار، کوچ بہار اور اتر دیناج پور اضلاع میں کئی مقامات پر شدید بارش کا امکان ہے۔ مسلسل بارش پہاڑی علاقوں میں لینڈ سلائیڈنگ اور نشیبی علاقوں میں پانی جمع ہونے کا سبب بن سکتی ہے۔ تیز بہاو والے دریاو¿ں کے کنارے رہنے والے لوگوں کو چوکس رہنے کا مشورہ دیا گیا ہے۔
جنوبی بنگال کے کولکاتا، ہاوڑہ، ہگلی، شمالی 24 پرگنہ، جنوبی 24 پرگنہ، مشرقی میدنی پور، مغربی میدنی پور، جھارگرام، پرولیا، بانکورا، مغربی بردوان، مشرقی بردوان، بیربھوم، مرشد آباد اور نادیہ اضلاع میں دن بھر ابر آلود رہنے اور کئی مقامات پر گرج چمک کے ساتھ ہلکی سے اوسط بارش کا امکان ہے۔ کچھ جگہوں پر تیز ہواو¿ں اور بجلی گرنے کی بھی توقع ہے۔
محکمہ موسمیات کے مطابق ریاست میں زیادہ سے زیادہ درجہ حرارت 32 سے 33 ڈگری سیلسیس اور کم سے کم درجہ حرارت 27 سے 28 ڈگری سیلسیس کے درمیان رہنے کا امکان ہے۔ فضا میں نمی بھی زیادہ رہے گی۔
محکمہ موسمیات نے لوگوں سے اپیل کی ہے کہ وہ خراب موسم کے دوران کھلے میدانوں، دریا کے کناروں اور درختوں کے نیچے غیر ضروری طور پر نہ رہیں۔ کسانوں، ماہی گیروں اور پہاڑی علاقوں کا سفر کرنے والے لوگوں کو خصوصی احتیاط برتنے کا مشورہ دیا گیا ہے۔
ہندوستھان سماچار
---------------
ہندوستان سماچار / عبدالسلام صدیقی
