نئی دہلی، 4 اگست (ہ س)۔ گھریلو شیئر بازار میں آج ابتدائی کاروبار کے دوران ملا جلا رجحان نظر آ رہا ہے۔ سینسیکس مضبوطی کے ساتھ کاروبار کر رہا ہے، جبکہ نفٹی بڑی گراوٹ کے بعد نچلی سطح سے ریکور کرتا ہوا نظر آ رہا ہے۔ سینسیکس نے آج مضبوط شروعات کی، وہیں نفٹی کی شروعات گراوٹ کے ساتھ ہوئی۔ بازار کھلنے کے بعد فروخت کا دباؤ شروع ہونے کی وجہ سے یہ دونوں اشاریے اوپننگ لیول سے نیچے گر گئے۔ تاہم پہلے 20 منٹ کے کاروبار کے بعد ہی خریداری شروع ہونے کی وجہ سے دونوں اشاریوں کی چال میں بہتری آنے لگی۔ صبح 10 بجے تک کاروبار ہونے کے بعد سینسیکس 0.25 فیصد کی تیزی کے ساتھ کاروبار کر رہا تھا۔ وہیں نفٹی 0.56 فیصد کی کمزوری کے ساتھ کاروبار کرتا ہوا نظر آ رہا تھا۔

بی ایس ای کا سینسیکس آج 493.94 پوائنٹس یعنی 0.63 فیصد کی مضبوطی کے ساتھ 79,132.97 پوائنٹس کی سطح پر کھلا۔ کاروبار کی شروعات کے بعد فروخت کا دباؤ بن جانے کی وجہ سے یہ اشاریہ گر کر 78,698.11 پوائنٹس کی سطح تک آ گیا۔ تاہم تھوڑی دیر بعد ہی خریداروں نے خریداری شروع کر دی، جس سے اس اشاریے کی صورتحال میں بہتری آنے لگی۔ بازار میں مسلسل جاری خرید و فروخت کے درمیان صبح 10 بجے تک کاروبار ہونے کے بعد سینسیکس 196.28 پوائنٹس کی مضبوطی کے ساتھ 78,835.31 پوائنٹس کی سطح پر کاروبار کر رہا تھا۔

سینسیکس کے برعکس این ایس ای کے نفٹی نے آج 70.40 پوائنٹس یعنی 0.28 فیصد کی کمزوری کے ساتھ 24,703.90 پوائنٹس کی سطح سے کاروبار کی شروعات کی۔ بازار کھلتے ہی فروخت کا دباؤ بن جانے کی وجہ سے یہ اشاریہ پھسل کر 24,589.35 پوائنٹس کی سطح تک آ گیا۔ تاہم پہلے 20 منٹ کے کاروبار کے بعد ہی خریداروں نے خریداری شروع کر دی، جس سے اس اشاریے کی چال میں بہتری آنے لگی۔ بازار میں مسلسل جاری خرید و فروخت کے درمیان صبح 10 بجے تک کاروبار ہونے کے بعد نفٹی 138.15 پوائنٹس کی گراوٹ کے ساتھ 24,636.15 پوائنٹس کی سطح پر کاروبار کر رہا تھا۔

اب تک کے کاروبار میں اسٹاک مارکیٹ میں 2,756 شیئروں میں فعال تجارت ہو رہی تھی۔ ان میں سے 1,810 شیئر منافع کما کر سبز نشان میں کاروبار کر رہے تھے، جبکہ 946 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 23 شیئر خریداری کے تعاون سے سبز نشان میں بنے ہوئے تھے۔ دوسری جانب سات شیئر فروخت کے دباؤ میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 15 شیئر سبز نشان میں اور 35 شیئر سرخ نشان میں کاروبار کرتے نظر آ رہے تھے۔

10 بجے تک کاروبار ہونے کے بعد شیئربازار کی بڑی کمپنیوں میں سے ہنڈالکو انڈسٹریز، ٹرینٹ لمیٹڈ، اڈانی انٹرپرائزز، ٹاٹا اسٹیل اور جیو فنانشل کے شیئر 1.37 فیصد سے لے کر 0.53 فیصد تک کی مضبوطی کے ساتھ کاروبار کر رہے تھے۔ دوسری جانب، گراسم انڈسٹریز، باجاج آٹو، ٹائٹن کمپنی، ڈاکٹر ریڈیز لیبارٹریز اور انفوسس کے شیئر 3.17 فیصد سے لے کر 1.57 فیصد تک کی کمزوری کے ساتھ کاروبار کرتے ہوئے نظر آ رہے تھے۔

اس سے پہلے گزشتہ کاروباری دن پیر کو سینسیکس 544.39 پوائنٹس یعنی 0.70 فیصد کی مضبوطی کے ساتھ 78,639.03 پوائنٹس کی سطح پر بند ہوا تھا۔ وہیں نفٹی نے 390.70 پوائنٹس یعنی 1.60 فیصد کی چھلانگ کے ساتھ 24,774.30 پوائنٹس کی سطح پر پیر کے کاروبار کا اختتام کیا تھا۔

ہندوستھان سماچار

---------------

ہندوستان سماچار / عبدالواحد