علی گڑھ، 04 اگست (ہ س)۔

محکمۂ بااختیارسازیِ معذوراں، وزارتِ سماجی انصاف و اختیاریت، حکومتِ ہند کی جانب سے معاشی طور پر کمزور معذور طلبہ کے لیے پری میٹرک، پوسٹ میٹرک اور ٹاپ کلاس اسکالرشپ سمیت مختلف تعلیمی اسکالرشپ اسکیموں کے تحت آن لائن درخواستیں طلب کی گئی ہیں۔

ضلع معذور بااختیار سازی افسر پریشا مشرا نے بتایا کہ پری میٹرک (کلاس 9 اور 10) اسکالرشپ کے لیے درخواست دینے کی آخری تاریخ 31 اگست 2026 جبکہ پوسٹ میٹرک اور ٹاپ کلاس اسکالرشپ کے لیے 31 اکتوبر 2026 مقرر کی گئی ہے۔

انہوں نے کہا کہ تمام اہل معذور طلبہ و طالبات قومی اسکالرشپ پورٹل پر آن لائن درخواست ضرور جمع کریں تاکہ زیادہ سے زیادہ طلبہ اس سہولت سے فائدہ اٹھا سکیں۔ درخواستیں www.scholarship.gov.in پر آن لائن جمع کی جا سکتی ہیں۔

ہندوستھان سماچار

ہندوستان سماچار / سید کامران علی گڑھ