علی گڑھ، 04 اگست(ہ س)۔

شہریوں کو بہتر بنیادی سہولیات فراہم کرنے کے لیے نگر نگم کی جانب سے شہر کے مختلف علاقوں میں سڑکوں، پلوں اور نکاسیٔ آب کے منصوبوں پر تیزی سے کام جاری ہے۔نگر نگم کے مطابق اوزون سٹی روڈ پرجعفری ڈرین کی خستہ پلیا کی ازسرنو تعمیر کی جا رہی ہے۔ اسی طرح ویورنٹ اسکول کے قریب دو پلیاؤں میں سے ایک کی تعمیر جاری ہے، جبکہ دوسری پلیا کے ذریعے طلبہ اور شہریوں کی آمد و رفت اور پانی کی نکاسی کا انتظام برقرار رکھا گیا ہے۔

حکام کا کہنا ہے کہ شہر کے مختلف مقامات پر سڑکوں کی توسیع، نالوں اور ڈرینوں کی بہتری کے کام بھی ساتھ ساتھ جاری ہیں، جس سے بعض علاقوں میں عارضی دشواری پیش آ سکتی ہے۔ تاہم ان منصوبوں کی تکمیل کے بعد برساتی پانی کے جمع ہونے اور آمد و رفت کے مسائل میں نمایاں بہتری آئے گی۔نگر نگم نے شہریوں سے اپیل کی ہے کہ ترقیاتی کاموں کے دوران تعاون اور صبر کا مظاہرہ کریں تاکہ تمام منصوبے مقررہ وقت اور معیاری انداز میں مکمل کیے جا سکیں۔

ہندوستھان سماچار

ہندوستان سماچار / سید کامران علی گڑھ