نئی دہلی، 30 اگست (ہ س):۔

جنوبی افریقہ کے تیز گیند باز کگیسو ربادا اگلے ماہ آسٹریلیا کے خلاف ہونے والی تین میچوں کی ون ڈے سیریز سے باہر ہوگئے ہیں۔ ون ڈے سیریز کا آغاز 24 ستمبر کو ڈربن میں ہوگا، جبکہ تیسرا میچ 30 ستمبر کو کھیلا جائے گا۔ ربادا کو ایک ہفتہ قبل ہیمسٹرنگ میں چوٹ لگی تھی۔

کرک انفو کی رپورٹ کے مطابق کرکٹ ساو¿تھ افریقہ (سی ایس اے) نے ربادا کی چوٹ کے بارے میں مکمل تفصیلات نہیں دی ہیں، تاہم اس نے تصدیق کی ہے کہ ربادا کم از کم اگلے ساڑھے چار ہفتوں تک کرکٹ سے دور رہیں گے۔ ربادا اس ٹی-20 ٹیم کا بھی حصہ نہیں ہیں جو نمیبیا میں ٹرائی سیریز کھیلنے گئی ہے۔

سی ایس اے نے کرک انفو کو بتایا کہ ربادا اس وقت کرکٹ ساو¿تھ افریقہ کی میڈیکل ٹیم کی نگرانی میں اپنی چوٹ سے صحت یابی کے ابتدائی مرحلے سے گزر رہے ہیں۔

سی ایس اے نے کہا کہ ربادا آسٹریلیا کے خلاف 24 سے 30 ستمبر تک ہونے والی تین میچوں کی ایک روزہ سیریز میں نہیں کھیلیں گے۔ آسٹریلیا کے خلاف تین میچوں کی ٹیسٹ سیریز کے لیے ان کی دستیابی اس بات پر منحصر ہوگی کہ وہ بحالی کے عمل میں کس طرح آگے بڑھتے ہیں۔ ان کے انتخاب کے بارے میں فیصلہ سیریز کے قریب کیا جائے گا۔

نمیبیا میں جاری سہ رخی سیریز سیریز کی بات کریں تو جنوبی افریقہ نے نمیبیا کے ہاتھوں ابتدائی شکست سے واپسی کرتے ہوئے اگلے میچ میں زمبابوے کو سات وکٹوں سے شکست دی۔

ہندوستھان سماچار

ہندوستان سماچار / عطاءاللہ