فیروز آباد، 3 اگست (ہ س)۔ اتر پردیش کے فیروز آباد ضلع کے تھانہمکھن پوراور اسپیشل آپریشن گروپ (ایس او جی) کی ٹیم نے اتوار کی رات دیر گئے ایک بیوہ کو قتل کرنے اور لوٹنے والے دو ملزمین کو پولیس تصادم میں گرفتار کیا ہے ۔ پولیس نے ٹانگ میں گولیاں لگنے سے زخمی ہونے والے ملزمین کو علاج کے لیے اسپتال داخل کرا دیا ہے ۔

ایڈیشنل سپرنٹنڈنٹ آف پولیس (دیہات)، انوج چودھری نے بتایا کہ 23 جولائی کی رات دیر گئے، نامعلوم بدمعاش مکھن پور تھانہ علاقے میں اکیلی رہنے والی ایک بیوہ سروج دیوی کا تیز دھار ہتھیار سے قتل کر دیا اور اس کے گھر سے سونے کے زیورات اور دیگر سامان لوٹ لے گئے تھے۔ سینئر سپرنٹنڈنٹ آف پولیس آدتیہ لانگہے نے واقعہ کی تحقیقات کے لیے تھانہ مکھن پور پولیس، اسپیشل آپریشن گروپ (ایس او جی) اور سرویلانس ٹیمیں تشکیل دی تھیں۔

انہوں نے بتایا کہ تھانہ انچارج مکھن پور چمن کمار شرما پولیس ٹیم کے ساتھ توار کی رات دیر گئے علاقے میں گشت کر رہے تھے جب انہیں اطلاع ملی کہ لوٹ اور قتل کے معاملے میں مطلوبہ دو ملزمین اپنی موٹرسائیکل کے ساتھ کھاٹو شیام مندر کے قریب ہائی وے کے کنارے کسی واردات کو انجام دینے کے ارادے سے کھڑے ہیں۔ اطلاع ملنے پر تھانہ مکھن پور اور اسپیشل آپریشنز گروپ (ایس او جی) کی ٹیم نے علاقے کو گھیرے میں لے لیا اور مشتبہ افراد نے قتل کی نیت سے پولیس ٹیم پر فائرنگ کردی۔

پولیس ٹیم کی جانب سے اپنے دفاع میں کی گئی جوابی کارروائی میں ملزمان کی ٹانگ میں گولی لگی جس سے وہ زخمی ہو گئے۔ زخمیوں کی شناخت لکی ولد سنجے ساکن رام باغ نگر، نئی بستی سو فٹا روڈ، کالندی وہار، ٹرانس یمنا تھانہ، آگرہ اور آکاش عرف ہنومان ولد دھرمیندر کمار عرف پپو ساکن صدر بازار، قصبہ اور مکھن پور کے طور پر ہوئی ہے۔

ملزمان کے قبضے سے 02 بریسلٹ، 02 انگوٹھیاں، 315 بور کے 02 غیر قانونی پستول ، 03 خالی کارتوس، 02 زندہ کارتوس، 01 موٹر سائیکل ایچ ایف ڈیلکس (بغیر نمبر پلیٹ)، مقتول کا آدھار کارڈ اور مقتول کے ایس بی آئی بینک کا اے ٹی ایم کارڈ برآمد کر لیا گیا ہے۔

اے ایس پی نے بتایا کہ پوچھ گچھ کے دوران ملزمان نے اپنے تیسرے ساتھی موہت کے ملوث ہونے کا اعتراف کیا جو اس وقت مفرور ہے۔ پولیس کی ٹیمیں اس کی گرفتاری کے لیے مسلسل چھاپے مار رہی ہیں۔ زخمی ملزمان کو پولیس کی حراست میں علاج کے لیے اسپتال میں داخل کرایا گیا ہے۔ ملزمان کے خلاف ضروری قانونی کارروائی کی جا رہی ہے۔

ہندوستھان سماچار

-----

ہندوستان سماچار / محمد شہزاد