رانچی، 3 اگست (ہ س)۔ جھارکھنڈ کے گورنر سنتوش کمار گنگوار نے پیر کے روز نئی دہلی میں نائب صدر جمہوریہ سی پی رادھا کرشنن سے خیرسگالی ملاقات کی۔ اس موقع پر دونوں شخصیات کے درمیان مختلف موضوعات پر خوشگوار ماحول میں تبادلۂ خیال ہوا۔

ملاقات کے دوران گورنر نے نائب صدر جمہوریہ کو جھارکھنڈ لوک بھون کی جانب سے شائع کردہ کتاب ’سمواد سے وشواس‘ کی ایک کاپی پیش کی۔ اس کتاب میں گورنر کے دو سالہ دورِ کار کے دوران کیے گئے اہم اقدامات، عوامی فلاح و بہبود سے متعلق سرگرمیوں اور مختلف پروگراموں کا جامع تذکرہ شامل ہے۔

راج بھون کی جانب سے جاری کردہ معلومات کے مطابق، یہ کتاب گورنر کے عہدے پر رہتے ہوئے بہتر حکمرانی، عوامی رابطے اور سماجی شراکت داری کے فروغ کے لیے کی گئی کوششوں کو اجاگر کرتی ہے۔

یہ خیرسگالی ملاقات خوشگوار اور دوستانہ ماحول میں اختتام پذیر ہوئی۔

ہندوستھان سماچار

---------------

ہندوستان سماچار / عبدالواحد