اورنگ آباد ، 3 اگست (ہ س)۔ اورنگ آباد کرائم برانچ نے جعلی لاٹری نکلنے کا جھانسہ دے کر ایک بزرگ شہری سے 29 لاکھ 2 ہزار روپے کی دھوکہ دہی کرنے والے ایک عادی ملزم کو گرفتار کر لیا ہے۔ پولیس نے ملزم کے قبضے سے 26.5 تولہ سونے کے زیورات اور ایک موٹر سائیکل بھی ضبط کی ہے۔ پولیس کے مطابق ملزم نے شکایت کنندہ کو لاٹری نکلنے کا جھانسہ دیا اور مختلف بہانوں سے مرحلہ وار بڑی رقم وصول کر لی۔ شکایت درج ہونے کے بعد کرائم برانچ نے تکنیکی شواہد اور خفیہ معلومات کی بنیاد پر ملزم کا سراغ لگا کر اسے گرفتار کیا۔ پولیس نے ملزم کے قبضے سے 26.5 تولہ سونے کے زیورات اور ایک موٹر سائیکل برآمد کی، جن کی مجموعی مالیت تقریباً 29 لاکھ 2 ہزار روپے بتائی گئی ہے۔ پولیس کے مطابق گرفتار ملزم کے خلاف ریاست کے مختلف پولیس اسٹیشنوں میں دھوکہ دہی کے متعدد مقدمات پہلے سے درج ہیں۔ پولیس کا کہنا ہے کہ اس کارروائی سے جعلی لاٹری، آن لائن لالچ اور مالی دھوکہ دہی کے ایسے جرائم پر مؤثر قابو پانے میں مدد ملے گی۔

ہندوستھان سماچار

--------------------

ہندوستان سماچار / جاوید این اے