گوہاٹی، 3 اگست (ہ س)۔ آسام کے 16 تائیکوانڈو کھلاڑیوں کا انتخاب جنوبی کوریا کے شہر چونچیون میں منعقد ہونے والی 2026 عالمی تائیکوانڈو پومسے چیمپئن شپ میں بھارت کی نمائندگی کے لیے کیا گیا ہے۔ یہ مقابلے 16 سے 20 ستمبر 2026 تک چونچیون کے ایئر ڈوم میں ورلڈ تائیکوانڈو (ڈبلیو ٹی) کے زیرِ اہتمام منعقد ہوں گے۔

تائیکوانڈو مارشل آرٹس اینڈ اسپورٹس ایسوسی ایشن آف آسام (ٹی ایم ایس اے اے)، جو انڈیا تائیکوانڈو سے وابستہ ہے، نے بتایا کہ منتخب کھلاڑی کیڈٹ، جونیئر اور سینئر زمروں میں انفرادی، جوڑی اور گروپ پومسے مقابلوں میں بھارت کی نمائندگی کریں گے۔

منتخب کھلاڑیوں میں سرسوتی دیوی کابرابام (انفرادی کیڈٹ گرلز)، دیباشیش داس (انفرادی جونیئر مرد)، ارنیا دتہ اور دشا پاترا (کیڈٹ گرلز جوڑی)، دھیر کشیپ تالکدار، مرگنک کے دتہ اور رگبی شرما (کیڈٹ بوائز گروپ)، نشیتا بورا، پریتی کھاکھلاری اور ابھلاشا داس (کیڈٹ گرلز گروپ)، ڈیزڈیمونا پاٹھک، شیامنتیکا برووا اور دیا پاترا (جونیئر گرلز گروپ) نیز بینلا کیمپرائی، پلبی ہنڈیک اور ہرتیکا آلمیان (سینئر خواتین گروپ) شامل ہیں۔

ٹی ایم ایس اے اے نے آسام حکومت اور مختلف کارپوریٹ اداروں سے اپیل کی ہے کہ وہ کھلاڑیوں کو مالی معاونت فراہم کریں۔ ایسوسی ایشن کے مطابق، کھلاڑیوں کو مقابلے میں شرکت کے لیے سفر، رہائش اور رجسٹریشن سمیت تمام اخراجات اپنی جیب سے برداشت کرنے پڑ رہے ہیں۔

ہندوستھان سماچار

---------------

ہندوستان سماچار / عبدالواحد