ممبئی ، 29 اگست (ہ س): ایتھر انرجی نے اپنی کافی عرصے سے زیر بحث کونارک الیکٹرک اسکوٹر بھارتی بازار میں لانچ کر دی ہے۔ ایتھر کے ای ایل پلیٹ فارم پر تیار کی گئی یہ کمپنی کی پہلی میٹل باڈی والی اسکوٹر ہے۔ دلکش ڈیزائن کے ساتھ کمپنی نے کونارک میں کئی اسمارٹ اور جدید فیچرس شامل کیے ہیں۔ یہ اسکوٹر اسمارٹ کی اور کنیکٹڈ ٹیکنالوجی کے ساتھ دستیاب ہوگی۔ صارفین کے لیے اس میں ایس لائن اور زی لائن کے 2 مختلف آپشنز فراہم کیے گئے ہیں۔

ایتھر کونارک ایس لائن کے 100 کلومیٹر رینج والے ویرینٹ کی ایکس شوروم قیمت 99,999 روپے رکھی گئی ہے۔ 125 کلومیٹر رینج والے ویرینٹ کی قیمت 1 لاکھ 21 ہزار 999 روپے ہے، جبکہ 161 کلومیٹر رینج والے ٹاپ ویرینٹ کی قیمت 1 لاکھ 44 ہزار 999 روپے مقرر کی گئی ہے۔ ایس لائن میں مجموعی طور پر 4 ویرینٹس دستیاب ہوں گے۔ 125 اور 161 کلومیٹر رینج والے ماڈلز کی ڈیلیوری ستمبر سے شروع ہونے والی ہے۔ 100 کلومیٹر رینج والے بیس ویرینٹ کی ڈیلیوری اگلے سال کی پہلی سہ ماہی میں شروع ہوگی۔

200 کلومیٹر رینج والا ایک ماڈل بھی اگلے سال کی پہلی سہ ماہی میں بازار میں لانے کا منصوبہ ہے۔ دوسری جانب زی لائن کی ڈیلیوری 2027 کی دوسری سہ ماہی میں شروع ہونے کا امکان ظاہر کیا گیا ہے۔ کونارک میں 2.1 کلوواٹ آور، 2.7 کلوواٹ آور اور 3.5 کلوواٹ آور صلاحیت والی بیٹریوں کے آپشنز دیے گئے ہیں۔ ایس لائن کی زیادہ سے زیادہ رفتار 70 کلومیٹر فی گھنٹہ ہے، جبکہ زی لائن کی ٹاپ اسپیڈ 80 کلومیٹر فی گھنٹہ بتائی گئی ہے۔ زی لائن میں آئی ڈی سی کے مطابق 161 کلومیٹر تک رینج ملنے کا دعویٰ کیا گیا ہے۔

فیچرس کے معاملے میں بھی کونارک کو جدید سہولیات سے لیس کیا گیا ہے۔ اس میں آٹو ہولڈ، فال سیف، ایئر واک، بلوٹوتھ کالنگ، میوزک الرٹ، تھیفٹ اور ٹو الرٹ، فائنڈ مائی اسکوٹر اور او ٹی اے اپ ڈیٹس جیسی سہولیات شامل ہیں۔ اسکوٹر میں 31 لیٹر کی انڈر سیٹ اسٹوریج اسپیس اور یو ایس بی ٹائپ سی چارجنگ پورٹ بھی دیا گیا ہے۔

اس کے علاوہ ٹی ایف ٹی انسٹرومنٹ کنسول، اسمارٹ فون کنیکٹیویٹی، وائس کنٹرول، مکمل نیویگیشن، پاتھ ہول الرٹ، کریش الرٹ، کی لیس اگنیشن، کی لیس بوٹ ریلیز اور ہل ہولڈ اسسٹ جیسی جدید سہولیات بھی ایتھر کونارک کو زیادہ اسمارٹ اور جدید اسکوٹر بناتی ہیں۔

ہندوستھان سماچار

--------------------

ہندوستان سماچار / جاوید این اے