عمران ہاشمی کی ایکشن سے بھرپور سنسنی خیز فلم 'گن ماسٹر جی 9' کا باقاعدہ ٹیزر ریلیز کر دیا گیا ہے۔ آدتیہ دت کی ہدایت کاری میں بننے والی اس فلم میں عمران ہاشمی اور جینیلیا ڈی سوزا مرکزی کرداروں میں ہیں۔ ٹیزر میں ایک طرف عمران ہاشمی میں اپنی محبت کے تئیں جنون دکھائی دیتا ہے تو دوسری طرف وہ ملک کی سلامتی سے متعلق خطرناک مشن انجام دیتے ہوئے زبردست ایکشن میں نظر آتے ہیں۔ فلم کی موسیقی ہمیش ریشمیا نے ترتیب دی ہے اور اسے سوہم راک اسٹار انٹرٹینمنٹ پرائیویٹ لمیٹڈ نے پروڈیوس کیا ہے۔
ٹیزر میں عمران ہاشمی کے کردار 'ایجنٹ جی 9' عرف ایشور کی جھلک دکھائی گئی ہے۔ وہ عام زندگی میں ایک عام آدمی کی طرح لگتا ہے، لیکن پردے کے پیچھے ملک کی سلامتی سے متعلق ایک بہت ہی خطرناک اور خفیہ مشن پر کام کر رہا ہے۔ جاسوسی، گولیاں چلانے اور تیز رفتار ایکشن کے درمیان عمران اور جینیلیا کی محبت کی کہانی بھی فلم میں اہم کردار ادا کرتی ہے۔ ٹیزر میں عمران کا جنونی انداز اور طاقت سے بھرپور ایکشن فلم کے بارے میں تجسس پیدا کرتا ہے۔
اپار شکتی کھرانہ فلم میں منفی کردار میں نظر آئیں گے۔ گن ماسٹر جی 9 ایکشن، رومانس اور جاسوسی کا ایک دلچسپ امتزاج ہوگا۔ ٹیزر کی ریلیز کے بعد فلم میں ناظرین کی دلچسپی بڑھ گئی ہے۔ یہ فلم 27 نومبر 2026 کو سینما گھروں میں ریلیز ہوگی۔
ہندوستھان سماچار
--------
ہندوستان سماچار / عبدالواحد
