نئی دہلی، 24 اگست (ہ س)۔ امریکہ اور ایران کے درمیان ایک بار پھر کشیدگی بڑھنے کے خدشے کی وجہ سے دنیا بھر کے بازاروں میں آج خوف کا ماحول رہا۔ عالمی سطح پر پیدا ہونے والی اس گھبراہٹ کے ماحول میں گھریلو شیئر بازار بھی گراوٹ کا شکار ہو گیا۔ آج کاروبار کی شروعات مضبوطی کے ساتھ ہوئی تھی۔ بازار کھلنے کے بعد خریداری کے سہارے سینسیکس اور نفٹی دونوں اشاریوں میں معمولی تیزی بھی آئی، لیکن کچھ دیر بعد ہی فروخت کا دباؤ بن جانے کی وجہ سے دونوں اشاریے گرتے چلے گئے۔ پورے دن کے کاروبار کے بعد سینسیکس 0.22 فیصد اور نفٹی 0.14 فیصد کی کمزوری کے ساتھ بند ہوئے۔

بی ایس ای کا سینسیکس آج 88.73 پوائنٹس یعنی 0.11 فیصد کی مضبوطی کے ساتھ 77,629.56 پوائنٹس کی سطح پر کھلا۔ کاروبار شروع ہوتے ہی خریداری شروع ہونے کے باعث کچھ ہی دیر میں یہ اشاریہ 248.57 پوائنٹس یعنی 0.32 فیصد اچھل کر 77,789.40 پوائنٹس کی سطح تک پہنچ گیا۔ اس کے بعد خریداروں نے بازار میں ایک بار پھر خریداری کا زور بنانے کی کوشش کی، جس کے باعث سینسیکس دن کی نچلی سطح سے 167.45 پوائنٹس سنبھل کر 171.72 پوائنٹس یعنی 0.22 فیصد کی گراوٹ کے ساتھ 77,369.11 پوائنٹس کی سطح پر بند ہوا۔

سینسیکس کی طرح این ایس ای کے نفٹی نے بھی آج 33.05 پوائنٹس یعنی 0.14 فیصد کی تیزی کے ساتھ 24,285.05 پوائنٹس کی سطح سے کاروبار کا آغاز کیا۔ آخری گھنٹے میں ہوئی خریداری کے باعث نفٹی دن کی نچلی سطح سے 74.75 پوائنٹس کی ریکوری کرتے ہوئے 32.95 پوائنٹس یعنی 0.14 فیصد کی کمزوری کے ساتھ 24,219.05 پوائنٹس کی سطح پر بند ہوا۔

آج شیئر بازار میں آئی گراوٹ کی وجہ سے اسٹاک مارکیٹ کے سرمایہ کاروں کی دولت میں ایک لاکھ کروڑ روپے سے بھی زیادہ کی کمی ہو گئی۔ بی ایس ای میں درج کمپنیوں کی مجموعی مارکیٹ کیپٹلائزیشن آج کے کاروبار کے بعد گھٹ کر 491.99 لاکھ کروڑ روپے (عارضی) رہ گئی۔ گزشتہ ہفتے کے آخری کاروباری دن یعنی جمعہ کو ان کی مارکیٹ کیپٹلائزیشن 493.12 لاکھ کروڑ روپے تھی۔ اس طرح سرمایہ کاروں کو آج کے کاروبار سے تقریباً 1.13 لاکھ کروڑ روپے کا نقصان ہوا۔

آج دن بھر کے کاروبار کے بعد اسٹاک مارکیٹ کے بڑے حصص میں سے جے ایس ڈبلیو اسٹیل 2.57 فیصد، ہنڈالکو انڈسٹریز 2.37 فیصد، ٹاٹا اسٹیل 1.80 فیصد، ایچ سی ایل ٹیکنالوجیز 1.50 فیصد اور ڈاکٹر ریڈیز لیبارٹریز 1.30 فیصد کی مضبوطی کے ساتھ آج کے ٹاپ 5 منافع حاصل کرنے والوں کی فہرست میں شامل ہوئے۔ دوسری جانب، ایس بی آئی لائف انشورنس 1.73 فیصد، بجاج فائنانس 1.64 فیصد، اڈانی پورٹس 1.64 فیصد، بجاج فِن سَرو 1.52 فیصد اور بھارت الیکٹرانکس 1.21 فیصد کی کمزوری کے ساتھ آج کے ٹاپ 5 خسارہ اٹھانے والوں کی فہرست میں شامل ہوئے۔

ہندوستھان سماچار

---------------

ہندوستان سماچار / عبدالواحد