پرائم ویڈیو نے اپنی آنے والی اصل فلم 'ڈونٹ بی شائے' کے ورلڈ پریمیئر کا اعلان کیا ہے۔ سریتی مکھرجی کی تحریر اور ہدایت کاری میں بننے والی یہ نوجوان بالغ رومانوی کامیڈی 25 ستمبر 2026 کو پرائم ویڈیو پر نشر ہوگی۔ اس فلم کو عالیہ بھٹ اور شاہین بھٹ نے اپنے بینر انٹرنل سن شائن پروڈکشن کے تحت پروڈیوس کیا ہے، جبکہ گریشما شاہ اور وکیش بھوٹانی اس کے شریک پروڈیوسر ہیں۔

ڈونٹ بی شائے میں چار نئے اداکار اروشی بجاج، انش دگل، بیاکا اروڑا اور پیوش کھٹی مرکزی کرداروں میں ہیں۔ یہ فلم نوجوانوں کی کہانی ہے جو دوستی، پہلی محبت، دل ٹوٹنے، خوابوں سے گزرتے ہیں اور خود کو سمجھنے کی کوشش کرتے ہیں۔ اس میں کنال رائے کپور، انوراگ باسو، نیہا دھوپیا اور انجو الوا نائک بھی اہم کرداروں میں ہیں۔ فلم کے ذریعے چھوٹی عمر کے تعلقات، جذبات اور بڑے ہونے کے دوران پیدا ہونے والی پیچیدگیوں کو ہلکے پھلکے اور دل لگی انداز میں پیش کیا گیا ہے۔

نکھل مادھوک، ڈائریکٹر اور ہیڈ آف اوریجنلز، پرائم ویڈیو اور ایمیزون ایم جی ایم اسٹوڈیوز انڈیا نے فلم کو دوستی، محبت اور بڑے ہونے کے سفر کا جشن قرار دیا۔ عالیہ اور شاہین بھٹ نے کہا کہ یہ پروجیکٹ شروع سے ہی ان کے لیے خاص رہا ہے اور فلم کی نوجوان کاسٹ نے ان کے کرداروں میں تازگی اور صداقت پیدا کی ہے۔ ڈونٹ بی شائے 25 ستمبر سے ناظرین کے لیے انگریزی سب ٹائٹلز کے ساتھ ہندی زبان میں دستیاب ہوگی۔

ہندوستھان سماچار

---------------

ہندوستان سماچار / عبدالسلام صدیقی