کٹیہار، 20 اگست (ہ س) ۔ ضلع کے براری تھانہ پولیس نے خفیہ اطلاع پر تیزی سے کارروائی کرتے ہوئے بلوا بازار میں ایک ہوٹل کی آڑ میں غیر قانونی اسلحہ کے اسمگلنگ میں ملوث ایک مجرم کو گرفتار کرلیا۔ پولیس نے ملزم کی دکان سے ایک دیسی ساختہ پستول اور دو زندہ کارتوس برآمد کر لیے۔پولیس سپرنٹنڈنٹ کے مطابق 19 اگست کی شام کو گشت پر براری تھانہ کو اطلاع ملی کہ بلوا بازار میں ایک ہوٹل کی آڑ میں اسلحے کا غیر قانونی کاروبار کیا جا رہا ہے۔ اطلاع کی تصدیق کرنے اور چھاپہ ماری کرنے پر ایک شخص پولیس کو دیکھ کر تیزی سے بھاگنے لگا لیکن اہلکاروں نے اسے پکڑ لیا۔ دکان کی تلاشی کے دوران غیر قانونی آتشیں اسلحہ اور کارتوس برآمد ہوئے۔ گرفتار ملزم کی شناخت بلوا بازار کے رہنے والے 38 سالہ رنجیت کمار چودھری ولد آنجہانی راجندر چودھری کے طور پر کی گئی ہے۔ براری تھانہنے ایف آئی آر درج کر کے ملزم کے خلاف مزید قانونی کارروائی شروع کر دی ہے۔

ہندوستھا ن سماچار

ہندوستان سماچار / Mohammad Afzal Hassan