عبداللہ اسکول کی طالبہ نے اتر پردیش ریاستی یوگ اسپورٹس چیمپئن شپ میں شرکت کی
علی گڑھ، 18 اگست (ہ س)۔ علی گڑھ مسلم یونیورسٹی کے عبداللہ اسکول کی جماعت دوئم-اے کی طالبہ عنایہ ظفر نے اتر پردیش یوگ اسپورٹس ایسوسی ایشن کے زیر اہتمام منعقدہ اتر پردیش ریاستی یوگ اسپورٹس چیمپئن شپ 2026 میں شرکت کی۔ یہ ایسوسی ایشن ڈبلیو وائی ایس ایف انڈیا یوگ اسپورٹس ایسوسی ایشن سے وابستہ ہے۔
اتر پردیش کے اٹاوہ میں 7 تا 9 اگست منعقد ہونے والی اس چیمپئن شپ نے کم عمر کے شرکاء کو ریاستی سطح پر مقابلے میں حصہ لینے کا موقع فراہم کیا۔ عنایہ نے منی سب جونیئر زمرے میں عبداللہ اسکول کی نمائندگی کرتے ہوئے نظم و ضبط اور خود اعتمادی کے ساتھ شرکت کی۔ عبداللہ اسکول کی سپرنٹنڈنٹ محترمہ عُمرہ ظہیر نے عنایہ کو اس چیمپئن شپ میں شرکت پر مبارکباد پیش کی اور اس کے جوش و جذبے اور کوششوں کو سراہا۔
ہندوستھان سماچار
---------------
ہندوستان سماچار / سید کامران علی گڑھ
