بھاو نگر، 18 اگست (ہ س)۔ گجرات کے بھاو نگر کی گھوگھا تحصیل میں دیر رات جوئے کے دوران مچی بھگدڑ کے دوران تین نوجوانوں کی کنویں میں گرنے سے موت ہو گئی۔ اس واقعہ سے علاقے میں سنسنی پھیل گئی ۔

تحصیل گھوگھا کے گاو¿ں اکھلا کے واڑی علاقے میں مبینہ طور پر 11 افراد جوا کھیل رہے تھے۔ اچانک کسی بات پر بھگدڑ مچ گئی۔ بھاگتے ہوئے تین نوجوان کنویں میں جا گر ے جس کے نتیجے میں ان کی موت ہو گئی۔ مرنے والوں کی شناخت راہل پوپٹ بھائی چوہان، نیلیش ڈابھی اور اجیت سنگھ کے طور پر ہوئی ہے۔

پولیس اسٹیشن کے پی ایس آئی کے مطابق، صبح فون کے ذریعہ اطلاع موصول ہوئی تھی کہ اکھلا گاو¿ں میں ایک کنویں میں لاش پڑی ہے۔ پولیس کی ٹیم فوری طور پر جائے وقوعہ پر پہنچی۔ تلاشی اور تفتیش کے دوران ایک کنویں سے یکے بعد دیگرے تین لاشیں برآمد ہوئیں۔

پولیس نے تینوں لاشوں کو سر ٹی اسپتال بھیج دیا، جہاں پوسٹ مارٹم کی کارروائی کی جارہی ہے۔

مرنے والوں میں راہل پوپٹ بھائی چوہان، نیلیش ڈابھی اور اجیت سنگھ شامل ہیں۔ متوفی کے اہل خانہ نے الزام لگایا کہ گاو¿ں میں جوا کھیلا جا رہا تھا ۔ پولیس کے چھاپے سے بھگدڑ مچ گئی، جس کے نتیجے میں تین نوجوان کنویں میں گر گئے۔

تاہم پولیس نے کہا ہے کہ پولیس کے چھاپے کے حوالے سے کوئی اطلاع سامنے نہیں آئی ہے۔ نوجوانوں کے جمع ہونے کی وجہ اور بھگدڑ کا سبب بننے والے حالات کی تحقیقات کی جا رہی ہیں۔ پولیس نے پورے واقعہ کی تحقیقات شروع کر دی ہے۔ لاشیں پوسٹ مارٹم کے بعد لواحقین کے حوالے کر دی جائیں گی۔

ہندوستھان سماچار

ہندوستان سماچار / محمد شہزاد