نئی دہلی، 14 اگست (ہ س)۔ گھریلو شیئر بازار آج پورے دن دباو میں کاروبار کرنے کے بعد گراوٹ کے ساتھ بند ہوا۔ آج کے کاروبار کی شروعات بھی کمزوری کے ساتھ ہوئی تھی۔ دوپہر دو بجے تک بازار پر مسلسل دباو بنا رہا۔ اس کے بعد خریداروں نے خریداری کا زور بڑھا دیا، جس سے سینسیکس اور نفٹی دونوں انڈیکس نچلی سطح سے کافی حد تک ریکور کرنے میں کامیاب رہے۔ حالانکہ منفی رجحانات کے سبب سینسیکس ریکوری کرنے کے باوجود سبز نشان میں جگہ بنانے میں کامیاب نہیں ہو سکا۔ پورے دن کے کاروبار کے بعد سینسیکس 0.09 فیصد اور نفٹی 0.12 فیصد کی کمزوری کے ساتھ بند ہوئے۔بامبے اسٹاک ایکسچینج (بی ایس ای) کا سینسیکس آج 176.53 پوائنٹس یعنی 0.23 فیصد کی گراوٹ کے ساتھ 77,903.43 پوائنٹس کی سطح پر کھلا۔ کاروبار کی شروعات ہوتے ہی فروخت کا دباو بن گیا، جس کی وجہ سے اس انڈیکس کی کمزوری بڑھتی چلی گئی۔ مسلسل ہو رہی فروخت کے سبب یہ انڈیکس 395.59 پوائنٹس یعنی 0.51 فیصد گر کر 77,684.37 پوائنٹس کی سطح تک پہنچ گیا۔دوپہر 1.30 بجے کے قریب خریداروں نے خریداری کا زور بنا دیا، جس سے اس انڈیکس کی چال میں سدھار ہونے لگا۔ مسلسل ہو رہی خریداری کی حمایت سے اگلے آدھے گھنٹے کے کاروبار میں ہی یہ انڈیکس دن کی نچلی سطح سے 364.54 پوائنٹس کی ریکوری کر کے 78,048.91 پوائنٹس کی سطح تک پہنچ گیا۔ اس کے بعد بازار میں ایک بار پھر فروخت شروع ہو گئی، جس کی وجہ سے سینسیکس دن کی اوپری سطح سے تھوڑا نیچے گر کر 70.71 پوائنٹس کی کمزوری کے ساتھ 78,009.25 پوائنٹس کی سطح پر بند ہوا۔سینسیکس کی طرح ہی این ایس ای کے نفٹی نے آج 33.95 پوائنٹس یعنی 0.14 فیصد گر کر 24,361.90 پوائنٹس کی سطح سے کاروبار کی شروعات کی۔ بازار کھلتے ہی فروخت کنندگان نے دباو بنا دیا، جس کی وجہ سے یہ انڈیکس گرتا چلا گیا۔ شیئروں کی مسلسل ہو رہی فروخت کے سبب نفٹی 99.05 پوائنٹس یعنی 0.41 فیصد گر کر 24,296.80 پوائنٹس کی سطح تک آ گیا۔ اس کے بعد دن کے دوسرے سیشن میں خریداروں نے خریداری شروع کر دی، جس سے اس انڈیکس کی حالت میں سدھار ہونے لگا۔مسلسل ہو رہی خریداری کی حمایت سے یہ انڈیکس دن کی نچلی سطح سے 108.40 پوائنٹس سدھر کر 9.35 پوائنٹس یعنی 0.04 فیصد کی مضبوطی کے ساتھ سبز نشان میں 24,405.20 پوائنٹس کی سطح تک پہنچنے میں کامیاب رہا۔ حالانکہ اس انڈیکس کی یہ تیزی زیادہ دیر تک برقرار نہیں رہ سکی۔ تھوڑی دیر بعد ہی بازار میں ایک بار پھر فروخت شروع ہو گئی، جس کی وجہ سے نفٹی دن کی اوپری سطح سے تقریباً 40 پوائنٹس گر کر 29.85 پوائنٹس کی گراوٹ کے ساتھ 24,366 پوائنٹس کی سطح پر بند ہوا۔آج دن بھر کے کاروبار کے دوران کنزیومر ڈیوریبلس اور میڈیا سیکٹر کے شیئروں میں خریداری ہوتی رہی۔ اس کے علاوہ کیپیٹل گڈز اور ٹیک انڈیکس بھی مضبوطی کے ساتھ سبز نشان میں بند ہوئے۔ دوسری جانب، آٹوموبائل، انرجی اور ایف ایم سی جی سیکٹر کے شیئروں میں آج فروخت کا دباو بنا رہا۔ اس کے علاوہ آئی ٹی، میٹل، فارماسیوٹیکل، پبلک سیکٹر انٹرپرائز اور رئیلٹی انڈیکس بھی گراوٹ کے ساتھ بند ہوئے۔ براڈر مارکیٹ میں بھی آج مسلسل فروخت ہوتی رہی، جس کے سبب نفٹی کا مڈ کیپ انڈیکس 0.53 فیصد کی کمزوری کے ساتھ بند ہوا۔ اسی طرح اسمال کیپ انڈیکس نے 0.69 فیصد کی گراوٹ کے ساتھ آج کے کاروبار کا اختتام کیا۔آج شیئر بازار میں آئی کمزوری کے سبب شیئر بازار کے سرمایہ کاروں کے اثاثوں میں تقریباً دو لاکھ کروڑ روپے کی کمی ہو گئی۔ بی ایس ای میں لسٹڈ کمپنیوں کا مارکیٹ کیپیٹلائزیشن آج کے کاروبار کے بعد گھٹ کر 492.17 لاکھ کروڑ روپے (عارضی) ہو گیا۔ جبکہ گزشتہ کاروباری دن یعنی جمعرات کو ان کا مارکیٹ کیپیٹلائزیشن 494.14 لاکھ کروڑ روپے تھا۔ اس طرح سرمایہ کاروں کو آج کے کاروبار سے تقریباً 1.97 لاکھ کروڑ روپے کا نقصان ہو گیا۔آج دن بھر کے کاروبار کے دوران این ایس ای میں 3,038 شیئروں میں ایکٹیو ٹریڈنگ ہوئی۔ ان میں سے 1,260 شیئر منافع کما کر سبز نشان میں اور 1,778 شیئر نقصان اٹھا کر سرخ نشان میں بند ہوئے۔ اسی طرح سینسیکس میں شامل 30 شیئروں میں سے 6 شیئر اضافے کے ساتھ، 23 شیئر گراوٹ کے ساتھ اور ایک شیئر بغیر کسی اتار چڑھاو کے بند ہوا۔ جبکہ نفٹی میں شامل 50 شیئروں میں سے 11 شیئر سبز نشان میں اور 39 شیئر سرخ نشان میں بند ہوئے۔آج دن بھر ہوئی خرید و فروخت کے بعد شیئر بازار کے سرکردہ شیئروں میں سے اپولو ہاسپٹل 3.73 فیصد، بھارتی ایئرٹیل 2.73 فیصد، اڈانی پورٹس 2.53 فیصد، اڈانی انٹرپرائزز 2.37 فیصد اور آئی سی آئی سی آئی بینک 0.73 فیصد کی مضبوطی کے ساتھ آج کے ٹاپ 5 گینرس کی فہرست میں شامل ہوئے۔ دوسری جانب، ٹاٹا موٹرس پیسنجر وہیکلس لمیٹڈ (ٹی ایم پی وی) 4.32 فیصد، جیو فنانشل 2.56 فیصد، ایشین پینٹس 2.15 فیصد، ہنڈالکو انڈسٹریز 1.60 فیصد اور او این جی سی 1.46 فیصد کی کمزوری کے ساتھ آج کے ٹاپ 5 لوزرس کی فہرست میں شامل ہوئے۔ہندوستھان سماچار

---------------

ہندوستان سماچار / انظر حسن