نئی دہلی، 14 اگست (ہ س)۔

وزارتِ خارجہ کے ترجمان رندھیر جیسوال نے حال ہی میں کانگریس رہنما راہل گاندھی کے ایک پروگرام میں کیے گئے تبصروں کے جواب میں ہندوستان اور اٹلی کے درمیان مضبوط اور مسلسل وسیع ہوتے تعلقات کا ذکر کیا اور باہمی احترام و سفارتی مفاہمت پر زور دیا۔

ترجمان کا یہ تبصرہ کل راہل گاندھی کے ایک پروگرام میں کیے گئے بیان کے حوالے سے ہے۔ اس پروگرام میں انہوں نے وزیر اعظم نریندر مودی کے سفارتی انداز کا مذاق اڑاتے ہوئے گلے ملنے کا مظاہرہ کیا تھا اور ان کے ساتھ گلے ملنے والے کانگریس رہنما سندیپ دکشت نے اطالوی وزیر اعظم جارجیا میلونی کا ذکر کرتے ہوئے وزیر اعظم پر طنز کیا تھا۔

ترجمان نے کہا، ”اٹلی کے ساتھ ہمارے مضبوط تعلقات ہیں۔ حالیہ برسوں میں اٹلی کے ساتھ ہمارے تعلقات ہر لحاظ سے وسیع اور مضبوط ہوئے ہیں، اور یہ اہم ہے کہ سفارتی عمل کے ایک حصے کے طور پر ہم ایک دوسرے کا خیال رکھتے ہوئے اور احترام کرتے ہوئے، دونوں فریقوں کے درمیان باہمی مفاہمت کو برقرار رکھتے ہوئے اپنے تعلقات کو مزید مضبوط کریں۔“

ہندوستھان سماچار

ہندوستان سماچار / عطاءاللہ