نئی دہلی، 14 اگست(ہ س)۔ سیوریج نیٹ ورک، پانی کی فراہمی کی اسکیموں، بجلی کی ترسیل اور تقسیم اور سڑک کے بنیادی ڈھانچے سے متعلق کام کرنے والی کمپنی ٹیکنو کرافٹ وینچرز کے حصص نے آج اسٹاک مارکیٹ میں اپنے آئی پی او سرمایہ کاروں کو خوش کرتے ہوئےمضبوطی کے ساتھ انٹری کیا۔ کمپنی کے حصص آئی پی او کے تحت 212 روپے کی قیمت پر جاری کیے گئے تھے۔ آج، یہ بی ایس ای پر 34.43 فیصد کے پریمیم کے ساتھ 285 روپے اور این ایس ای پر 33.96 فیصد کے پریمیم کے ساتھ 284 روپے کی سطح پر درج ہوا۔

لسٹنگ کے بعد، کمپنی کے حصص334.60 روپے کی سطح پرپہنچ گیا۔ تاہم، منافع وصولی کے سبب فروخت کے نتیجے میں اس کی قیمت میں معمولی کمی واقع ہوئی۔ کمپنی کے حصص دوپہر 12 بجے تک تجارت کے بعد311.45 روپے کی سطح پر تجارت کر رہے تھے۔ اس طرح، دن کے ٹریڈنگ کے پہلے سیشن کے اختتام تک، کمپنی کے آئی پی او سرمایہ کاروں کو فی حصص99.45روپے یعنی46.91فیصد کا فائدہ ہوا۔

ٹیکنو کرافٹ وینچرز کا 251.88 کروڑ روپے کا آئی پی او 7 اور 11 اگست کے درمیان سبسکرپشن کے لیے کھلا تھا۔ آئی پی او کو سرمایہ کاروں کی طرف سے خوب پذیرائی ملی، جس کے نتیجے میں اسے مجموعی طور پر 38.69 گنا سبسکرائب کیا گیا۔ ان میں کوالیفائڈ انستی ٹیوشنل بائرس (کیو آئی بی) کے لئے مخصوص حصہ کو 42.26 گنا سبسکرائب کیا گیا۔ اسی طرح، غیر ادارہ جاتی سرمایہ کاروں (این آئی آئی) کے لیے مخصوص حصے کو 65.06 گنا سبسکرائب کیا گیا۔ نیز، خوردہ سرمایہ کاروں کے لیے مخصوص حصے کو 25.35 گنا سبسکرائب کیا گیا تھا۔

اس آئی پی او کے تحت 10 روپے کی فیس ویلیو والے کل 1,18,81,000 حصص جاری کیے گئے ہیں۔ اس میں سے تقریبا 202 کروڑ روپے مالیت کے 95,05,000نئے حصص جاری کیے جا رہے ہیں، جبکہ تقریبا 50 کروڑ روپے مالیت کے 23,76,000حصص برائے فروخت ونڈو کے ذریعے فروخت کیے جا رہے ہیں۔ آئی پی او کے ذریعے اکٹھا کی گئی رقم کمپنی کے قرض کو کم کرنے، اس کی ورکنگ کیپٹل کی ضروریات کو پورا کرنے اور عام کارپوریٹ مقاصد کے لیے استعمال کی جائے گی۔

ٹیکنو کرافٹ وینچرز کی مالی صحت کے بارے میں بات کریں تو، کیپٹل مارکیٹ ریگولیٹر سیبی کو پیش کردہ ریڈ ہیرنگ پراسپیکٹس (ڈی آر ایچ پی) کے مسودے میں کیے گئے دعوے کے مطابق، اس کی مالی صحت مستقل طور پر مضبوط ہوئی ہے۔ مالی سال 2023تا2024میں کمپنی کا خالص منافع 19.05 کروڑ روپے تھا، جو اگلے مالی سال 2024تا2025میں بڑھ کر 28.20 کروڑ روپے ہو گیا۔ اسی دوران، پچھلے مالی سال2025تا2026 میں کمپنی کا خالص منافع 43.32 کروڑ روپے تھا۔

اس دوران کمپنی کی آمدنی میں بھی اضافہ ہوا۔ اس نے مالی سال2023تا2024 میں 227.30 کروڑ روپے کی کل آمدنی حاصل کی، جو مالی سال 2024تا2025میں بڑھ کر 281 کروڑ روپے ہو گئی۔ اسی دوران، پچھلے مالی سال2025تا2026 میں، کمپنی کو 347 کروڑ روپے کی آمدنی حاصل ہوئی۔

اس دوران کمپنی کا قرض بھی بڑھ گیا۔ مالی سال2023تا2024 کے اختتام پر کمپنی پر 80.11 کروڑ روپے کا قرض تھا، جو اگلے مالی سال 2024تا2025 میں 87.43 کروڑ روپے کی سطح پرآ گیا۔ اسی دوران، پچھلے مالی سال2025تا2026 میں کمپنی پر قرض کا بوجھ معمولی طور پر بڑھ کر 89.76 کروڑ روپے ہو گیا۔

اس دوران کمپنی کی مجموعی مالیت میں بھی اضافہ ہوا۔ مالی سال2023تا2024 میں یہ 91.78 کروڑ روپے کی سطح پر تھا۔ اسی طرح، کمپنی کی مجموعی مالیت 2024تا2025 میں بڑھ کر 119.98 کروڑ روپے ہو گئی۔ اسی وقت، یہ پچھلے مالی سال 2025تا2026 میں 163.38 کروڑ روپے کی سطح پر پہنچ گیا۔

کمپنی کے رزرواور سرپلس کی بات کریں تو اس عرصے میں کمپنی اس محاذ پر بھی فائدہ اٹھانے میں کامیاب رہی ہے۔ مالی سال 2023تا2024میں یہ 84.21 کروڑ روپے کی سطح پر تھا۔ اسی طرح، کمپنی کے رزرو اور سرپلس2024تا2025 میں بڑھ کر 112.42 کروڑ روپے ہو گئے۔ اسی کے ساتھ ہی گزشتہ مالی سال 2025تا2026میں کمپنی کے رزرو اور سرپلس 133.16 کروڑ روپے کی سطح پر پہنچ گئے۔

اسی طرح ای بی آئی ٹی ڈی اے (ارننگ بیفور انٹریسٹ ،ٹیکسز،ڈپریشیئیشنس اینڈ ایمارٹائزیشن ) 2023تا2024میں 1 35.03 کروڑ روپے تھی، جو 2024تا2025میں بڑھ کر 2 49.63 کروڑ روپے ہو گئی۔ اسی دوران کمپنی کا ای بی آئی ٹی ڈی اے گزشتہ مالی سال 2025تا2026میں بڑھ کر 72.18 کروڑ روپے تک پہنچ گیا۔

ہندوستھان سماچار

---------------

ہندوستان سماچار / عبدالسلام صدیقی