نئی دہلی، 13 اگست (ہ س)۔ مقامی شیئربازار میں دن بھر ملا جلا کاروبار دیکھا گیا۔ دن کے پہلے سیشن میں سینسیکس ختم ہونے کے ساتھ ہی بینکنگ سیکٹر کے حصص میں گراوٹ اور غیر ملکی سرمایہ کاروں کی جانب سے فروخت کی وجہ سے مارکیٹ دباو¿ کا شکار رہی۔ تاہم، صبح 11 بجے کے بعد، جیسے ہی نچلی سطح سے خریداری شروع ہوئی، سینسیکس اور نفٹی دونوں انڈیکس کافی حد تک بحال ہوئے۔ پورے دن کے کاروبار کے بعد سینسیکس 0.15 فیصد کے اضافے کے ساتھ بند ہوا۔ دوسری طرف، نفٹی نے بحالی کے باوجود آج کی تجارت 0.16 فیصد کے نقصان کے ساتھ ختم کی۔

بی ایس ای سینسیکس آج 145.56 پوائنٹس یا 0.19 فیصد اضافے کے ساتھ 78,111.91 پوائنٹس پر کھلا۔ کاروبار شروع ہوتے ہی انڈیکس میں پہلے ہی منٹ میں معمولی اضافہ ہوا اور 78,119.39 پوائنٹس کی سطح پر پہنچ گیا۔ اس کے بعد بازار میں فروخت کا دباو¿ بڑھ گیا، جس کی وجہ سے سینسیکس مسلسل گرتا رہا۔ حصص کی مسلسل فروخت کے باعث صبح 10بج کر30 منٹ تک انڈیکس دن کی بلند ترین سطح سے 453.50 پوائنٹس گر گیا اور 300.46 پوائنٹس یا 0.39 فیصد کی کمزوری کے ساتھ 77,665.89 پوائنٹس کی سطح پر آگیا۔

تاہم، 11 بجے کے بعد، خریداروں نے اپنی خریداری کا دباو¿ بڑھا دیا، جس کی وجہ سے انڈیکس کی نقل و حرکت میں بہتری آئی۔ فروخت کنندگان نے دن کے دوسرے سیشن میں بھی فروخت کا دباو¿ بڑھانے کی کوشش کی، جس کی وجہ سے انڈیکس کی حرکت میں معمولی کمی واقع ہوئی۔ آخر کار، خریداروں نے اپنی خریداری کا دباو¿ تیز کر دیا، جس کے نتیجے میں دن کی کم ترین سطح سے 414.07 پوائنٹس کی ریکوری ہوئی اور سینسیکس 113.61 پوائنٹس بڑھ کر 78,079.96 پر بند ہوا۔

سینسیکس کے برعکس، این ایس ای نفٹی نے آج فلیٹ آغاز کیا، کچھ کمزوری ظاہر کی۔ انڈیکس 4.35 پوائنٹس یا 0.018 فیصد کی معمولی کمی کے ساتھ 24,431.60 پر کھلا۔ مارکیٹ کھلتے ہی فروخت کا دباو¿ بڑھ گیا، جس کی وجہ سے نفٹی اپنی ابتدائی سطح سے 128.90 پوائنٹس گر کر 124.55 پوائنٹس کی کمزوری کے ساتھ 24,311.40 پر آگیا۔

صبح 11 بجے کے بعد خریداروں نے خریداری شروع کردی جس کی وجہ سے اس انڈیکس کی نقل و حرکت میں بہتری آنے لگی۔ دن کے دوسرے سیشن میں زیادہ تر وقت خریداروں اور فروخت کنندگان کے درمیان ہاتھا پائی ہوتی رہی جس کی وجہ سے اس انڈیکس کی حرکت میں بھی اتار چڑھاو¿ ہوتا رہا۔ دن کے آخری حصے میں خریداروں نے زبردست خریدار ی کی جس کے باعث یہ انڈیکس نچلی سطح سے 84.45 پوائنٹس کی بہتری کے ساتھ 40.10 پوائنٹس کی کمی کے ساتھ 24395.85 پوائنٹس کی سطح پر بند ہوا۔

ایف ایم سی جی سیکٹر کے اسٹاک میں دن بھر زبردست خریدار دیکھنے میں آئی، جس کی وجہ سے بی ایس ای ایف ایم سی جی انڈیکس 0.97 فیصدمضبوطی کے ساتھ بند ہوا۔ رئیلٹی، آئی ٹی، آٹوموبائل، کیپٹل گڈز، کنزیومر ڈیوربل، ہیلتھ کیئر اور پبلک سیکٹر انٹرپرائز انڈیکس بھی سبز نشان میں مضبوطی سے بند ہوئے۔

دوسری جانب میٹل سیکٹر کے حصص آج فروخت کے دباو¿ کی زد میں رہے۔ بی ایس ای میٹل انڈیکس مسلسل فروخت کے دباو¿ کی وجہ سے 0.97 فیصد گر کر بند ہوا۔ بینکنگ اور آئل اینڈ گیس انڈیکس بھی نیچے بند ہوئے۔ وسیع تر مارکیٹ میں عام طور پر خریداری دیکھنے میں آئی، جس کی وجہ سے نفٹی مڈ کیپ انڈیکس میں 0.15 فیصد کا اضافہ ہوا۔ اسی طرح،ا سمال کیپ انڈیکس 0.27 فیصد اضافے کے ساتھ دن بند ہوا۔

دن کے کاروبار کے دوران، این ایس ای پر 3,047 حصص کا کاروبار فعال طور پر ہوا۔ ان میں سے 1,489 سبز نشان میں بند ہوئے، جبکہ1,558 سرخ نشان میں بند ہوئے۔ اسی طرح سینسیکس کے 30 اسٹاکس میں سے 19 اضافے اور 11 کمزوری کے ساتھ بند ہوئے۔ 50 نفٹی اسٹاک میں سے 28 سبز اور 22 سرخ نشان میں بند ہوئے۔

دن بھر کی خرید و فروخت کے بعد، اسٹاک مارکیٹ کے بڑے اسٹاکس میں سے، ٹاٹا کنزیومر پروڈکٹس 2.69 فیصد، ٹاٹا موٹرز پیسنجر وہیکلز لمیٹڈ (ٹی ایم پی وی) 1.92 فیصد، این ٹی پی سی 1.41 فیصد، ہندوستان یونی لیور 1.41 فیصد اور شری رام فائنانس 1.35 فیصد اضافے اور آج سرفہرستپانچ میں شامل ہوئے۔ دوسری طرف، ہنڈالکو انڈسٹریز 2.99 فیصد، آئی سی آئی سی آئی بینک 1.74 فیصد، الٹراٹیک سیمنٹ 1.56 فیصد، گراسم انڈسٹریز 1.54 فیصد اور پاور گرڈ کارپوریشن 1.06 فیصد گراوٹ اور آج ٹاپ 5 لوزر کی فہرست میں شامل ہوئے۔

ہندوستھان سماچار

---------------

ہندوستان سماچار / عبدالسلام صدیقی