راجکمار راؤ کی انتہائی متوقع فلم ”پرہار - دی اجول نکم اسٹوری“ کی ریلیز کی تاریخ میں توسیع کر دی گئی ہے۔ میڈاک فلمز نے فلم کی ریلیز کی نئی تاریخ کا اعلان فلم باضابطہ طور پر کر دیا ہے۔ یہ فلم دراصل میں 7 اگست 2026 کو سینما گھروں میں ریلیز ہونے والی تھی، لیکن پروڈیوسرز نے باکس آفس پر ممکنہ ٹکراو سے بچنے کے لیے ریلیز کو آگے بڑھانے کا فیصلہ کیا۔ اب شائقین کو فلم کے لیے تھوڑا اور انتظار کرنا پڑے گا۔

پروڈیوسر دنیش وجان نے سوشل میڈیا پر فلم کے نئے پوسٹر کا سوشل میڈیا کا اشتراک کرتے ہوئے لکھا، ”اب ہوگا نیائے (انصاف) کا پرہار(حملہ) “ 16 اکتوبر کو۔“ اس کے ساتھ ہی فلم کی ریلیز کی نئی تاریخ کی تصدیق ہو گئی ہے۔ اویناش ارون کی ہدایت کاری میں بننے والی یہ فلم ایک بایو گرافیکل ڈرامہ ہے جس میں راج کمار راو¿ نے ملک کے معروف وکیل اجول نکم کا کردار ادا کیا ہے۔ فلم کی کہانی 26/11 ممبئی دہشت گردانہ حملے کے ملزم اجمل قصاب کے خلاف نکم کے ذریعے لڑے گئے مشہور مقدمے سے متاثر ہے۔

فلم میں راج کمار راؤ کے ساتھ وامیکا گبی بھی اہم کردار میں نظر آئیں گی۔”پرہار - دی اجول نکم اسٹوری“ کی کہانی اور راج کمار کے کردار کے بارے میں لوگوں میں تجسس ہے۔ تاہم ریلیز کی تاریخ میں تبدیلی نے یقیناً فلم کا انتظار بڑھا دیا ہے۔ اس سے قبل شردھا کپور کی فلم ’ایتھا‘ کی ریلیز بھی دسمبر تک ملتوی کر دی گئی تھی۔ اب ”پرہار“ 16 اکتوبر 2026 کو سینما گھروں کی زینت بنے گی۔

ہندوستھان سماچار

ہندوستان سماچار / محمد شہزاد