ذوالقر سلمان اور کیادو لوہار کی انتہائی طویل الانتظار فلم ’آئی ایم گیم‘ کے لیے ناظرین کو تھوڑا اور انتظار کرنا ہوگا۔ پہلے یہ فلم 20 اگست 2026 کو ریلیز ہونے والی تھی، لیکن اب اس کی ریلیز کی تاریخ بڑھا کر 3 ستمبر 2026 کر دی گئی ہے۔ میکرز کے مطابق، یہ تبدیلی ناظرین کو سینما گھروں میں مزید بہتر اور شاندار تجربہ فراہم کرنے کے مقصد سے کی گئی ہے۔

فلم کو ملیالم، تمل، تلگو، ہندی اور کنڑ سمیت پانچ زبانوں میں دنیا بھر میں ریلیز کیا جائے گا۔ فلم کا پہلا گانا ’مجھولے‘ حال ہی میں جاری کیا گیا ہے، جسے ارمان ملک اور جیکس بیجوئے نے اپنی آواز دی ہے۔ ذوالقر سلمان نے بھی سوشل میڈیا پوسٹ کے ذریعے ارمان ملک کی پرفارمنس کی تعریف کرتے ہوئے اسے انتہائی خاص بتایا تھا۔

’آئی ایم گیم‘ کی ہدایت کاری ناہاس ہدایتھ نے کی ہے۔ فلم کو بڑے پیمانے پر گلوبل ریلیز کے لیے تیار کیا جا رہا ہے۔ پانچ زبانوں میں ریلیز کے ساتھ میکرز کی کوشش فلم کو زیادہ سے زیادہ ناظرین تک پہنچانے کی ہے۔ اب 3 ستمبر کو سینما گھروں میں دستک دینے والی اس فلم پر ناظرین کی نظریں ٹکی ہوئی ہیں۔

ہندوستھان سماچار

---------------

ہندوستان سماچار / انظر حسن