نئی دہلی، 13 اگست (ہ س)۔ گلوبل مارکیٹ سے آج ملے جلے اشارے مل رہے ہیں۔ امریکی بازار گزشتہ سیشن کے دوران اضافے کے ساتھ بند ہوئے۔ جبکہ ڈاو جونز فیوچرز آج معمولی گراوٹ کے ساتھ کاروبار کرتا ہوا نظر آ رہا ہے۔ یورپی بازار میں گزشتہ سیشن کے دوران مسلسل فروخت ہوتی رہی۔ وہیں ایشیائی بازار میں آج ملا جلا کاروبار ہو رہا ہے۔امریکہ میں چپ اسٹاکس میں آئی تیزی کے سبب وال اسٹریٹ کے انڈیکس گزشتہ سیشن کے دوران اضافے کے ساتھ بند ہونے میں کامیاب رہے۔ ایس اینڈ پی 500 انڈیکس 0.26 فیصد کی مضبوطی کے ساتھ 7,748.50 پوائنٹس کی سطح پر بند ہوا۔ اسی طرح نیسڈیک نے 143.04 پوائنٹس یعنی 0.54 فیصد کے اضافے کے ساتھ 26,588.49 پوائنٹس کی سطح پر گزشتہ سیشن کے کاروبار کا اختتام کیا۔ وہیں ڈاو جونز فیوچرز آج فی الحال 0.03 فیصد کی معمولی کمزوری کے ساتھ 53,752.99 پوائنٹس کی سطح پر کاروبار کرتا ہوا نظر آ رہا ہے۔یورپی بازار میں گزشتہ سیشن کے دوران مسلسل دباو بنا رہا۔ ایف ٹی ایس ای انڈیکس 0.10 فیصد کی کمزوری کے ساتھ 10,833.15 پوائنٹس کی سطح پر بند ہوا۔ اسی طرح سی اے سی انڈیکس نے 0.46 فیصد کی گراوٹ کے ساتھ 8,674.94 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 0.23 فیصد گر کر 26,331.07 پوائنٹس کی سطح پر بند ہوا۔ایشیائی بازار میں آج ملا جلا کاروبار ہو رہا ہے۔ ایشیا کے نو بازاروں میں سے چھ کے انڈیکس مضبوطی کے ساتھ سبز نشان میں کاروبار کر رہے ہیں، جبکہ تین انڈیکس گراوٹ کے ساتھ سرخ نشان میں برقرار ہیں۔ گفٹ نفٹی 0.26 فیصد گر کر 24,408.50 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.45 فیصد گر کر 5,694.77 پوائنٹس کی سطح پر آ گیا ہے۔ جکارتا کمپوزٹ انڈیکس میں آج بڑی گراوٹ درج کی گئی ہے۔ فی الحال یہ انڈیکس 1.02 فیصد گر کر 6,308.59 پوائنٹس کی سطح پر پہنچا ہوا ہے۔دوسری جانب، سیٹ کمپوزٹ انڈیکس 0.61 فیصد کی مضبوطی کے ساتھ 1,622.46 پوائنٹس کی سطح پر کاروبار کر رہا ہے۔ اسی طرح شنگھائی کمپوزٹ انڈیکس 0.42 فیصد کے اضافے کے ساتھ 3,963.15 پوائنٹس کی سطح پر آ گیا ہے۔ کوسپی انڈیکس میں آج زبردست تیزی کا رجحان برقرار ہے۔ فی الحال یہ انڈیکس 290.50 پوائنٹس یعنی 4.42 فیصد کے اضافے کے ساتھ 6,869.54 پوائنٹس کی سطح پر آ گیا ہے۔ٹوکیو اسٹاک ایکسچینج کے نکیئی انڈیکس میں بھی آج زبردست اضافہ ہے۔ فی الحال یہ انڈیکس 1,172.94 پوائنٹس یعنی 1.74 فیصد کے اضافے کے ساتھ 68,697 پوائنٹس کی سطح پر آ گیا ہے۔ اسی طرح تائیوان ویٹڈ انڈیکس 460.05 پوائنٹس یعنی 1.01 فیصد کی مضبوطی کے ساتھ 45,978.12 پوائنٹس کی سطح پر پہنچا ہوا ہے۔ اس کے علاوہ ہینگ سینگ انڈیکس 0.07 فیصد کے اضافے کے ساتھ 25,457 پوائنٹس کی سطح پر کاروبار کر رہا ہے۔ہندوستھان سماچار

---------------

ہندوستان سماچار / انظر حسن