تاریخ میں 14 اگست کی تاریخ برصغیر کے لیے انتہائی اہم اور جذباتی حیثیت رکھتی ہے۔ سال 1947 میں اسی روز ہندوستان کی تقسیم کے ساتھ پاکستان ایک آزاد ملک کے طور پر وجود میں آیا، جبکہ اگلے روز 15 اگست کو ہندوستان نے برطانوی راج سے آزادی حاصل کی۔ آزادی کی یہ کامیابی جہاں طویل جدوجہد کے بعد حاصل ہوئی، وہیں اس کے ساتھ تقسیم کا ایسا المیہ بھی وابستہ تھا جس نے لاکھوں خاندانوں کی زندگی ہمیشہ کے لیے بدل دی۔

برطانوی اقتدار کے خاتمے اور نئی سرحدوں کے تعین کے بعد بڑی تعداد میں لوگوں کو اپنا گھر بار چھوڑ کر سرحد کے دوسری جانب ہجرت کرنا پڑی۔ ہندوستان اور پاکستان کے درمیان ہونے والی اس بڑے پیمانے کی نقل مکانی کے دوران تشدد، فسادات اور فرقہ وارانہ کشیدگی نے ایک خوفناک انسانی بحران پیدا کیا۔ مؤرخین کے اندازوں کے مطابق تقسیم کے دوران تقریباً 1 سے 1.5 کروڑ افراد بے گھر ہوئے، جبکہ لاکھوں لوگوں کی جانیں چلی گئیں۔ 14 اگست کو پاکستان اپنا یومِ آزادی مناتا ہے، جبکہ ہندوستان میں یہ دن یومِ آزادی کے موقع پر کی جانے والی تقریبات کی شام کے طور پر آتا ہے۔ اس لیے یہ تاریخ آزادی کی خوشی کے ساتھ ساتھ تقسیم کے درد کی یاد بھی دلاتی ہے۔

تقسیم کے دوران لوگوں کی جانب سے جھیلی گئی تکلیف، نقل مکانی اور قربانیوں کو یاد کرنے اور آنے والی نسلوں کو اس دور کے بارے میں آگاہ کرنے کے مقصد سے وزیراعظم نریندر مودی نے سال 2021 میں 14 اگست کو ’تقسیم کی ہولناکیوں کی یاد کا دن‘ یعنی وبھاجن وبھیشیکا اسمرتی دیوس کے طور پر منانے کا اعلان کیا۔

اس موقع پر تقسیم کے دوران متاثرہ خاندانوں کی یادوں، جدوجہد اور حوصلے کی داستانوں کو یاد کیا جاتا ہے۔ اس کا مقصد تاریخ کے اس دردناک باب سے سبق حاصل کرتے ہوئے سماجی اتحاد، ہم آہنگی اور بھائی چارے کے جذبے کو مضبوط بنانا ہے۔

اہم واقعات

1862 - بمبئی ہائی کورٹ کا قیام عمل میں آیا۔

1920 - بیلجیم کے شہر اینٹورپ میں اولمپک کھیلوں کا آغاز ہوا۔

1936 - برلن میں پہلا اولمپک باسکٹ بال مقابلہ ہوا۔

1938 - بی بی سی کی پہلی فیچر فلم ’دی اسٹوڈنٹ آف پراگ‘ ٹیلی ویژن پر نشر ہوئی۔

1947 - ہندوستان کی تقسیم ہوئی اور پاکستان ایک الگ ملک کے طور پر وجود میں آیا۔

1968 - مورار جی دیسائی کو پاکستان کے اعلیٰ ترین شہری اعزاز ’نشانِ پاکستان‘ سے نوازا گیا۔

1971 - بحرین کو 110 سال بعد برطانوی اقتدار سے آزادی ملی۔

پیدائش

1924 - سید مظفر حسین برنی - اڈیشہ کیڈر کے بھارتی انتظامی سروس کے افسر تھے۔

1924 - کلدیپ نائر - ہندوستان کے معروف مصنف اور صحافی۔

1941 - ٹی وی رام کرشنن - بھارتی نظریاتی طبیعیات دان۔

1957 - جانی لیور - ہندی فلموں کے معروف مزاحیہ اداکار۔

1968 - پروین امری - بھارتی کرکٹر۔

انتقال

1979 - ایڈورڈ گوبیر - پدوچیری ریاست کے پہلے وزیراعلیٰ تھے۔

1984 - کھاشابا دادا صاحب جادھو - ہندوستان کے پہلے پہلوان تھے جنہوں نے ہیلسنکی اولمپکس میں کانسی کا تمغہ جیتا تھا۔

1996 - امرت رائے - معروف ناول نگار، مضمون نگار، نقاد اور مترجم تھے۔

2000 - ہوا سنگھ - ہندوستان کے بہترین باکسرز میں سے ایک تھے۔

2007 - یینو میناگاوا - جاپان کی معمر ترین خواتین میں شمار ہوتی تھیں۔

2011 - شمّی کپور - معروف فلم اداکار۔

2012 - ولاس راؤ دیش مکھ - بھارتی سیاست دان اور انڈین نیشنل کانگریس کے رہنما تھے۔

2022 - راکیش جھنجھن والا - ہندوستان کے معروف سرمایہ کار اور شیئر تاجر تھے۔

اہم موقع

وبھاجن وبھیشیکا اسمرتی دیوس

---------------

ہندوستان سماچار / عبدالواحد