تاریخ کے آئینے میں 13 اگست : جب دیسی ہندوستان ٹرینر-2 نے بھری پہلی پرواز، ہندوستانی ہوا بازی کی تاریخ میں سنہرا باب

تاریخ کے اوراق میں 13 اگست کا دن ہندوستانی ہوابازی صنعت کے لیے انتہائی اہم ہے۔ سال 1951 میں اسی دن ملک میں تیار کردہ پہلے دیسی طیارے ’ہندوستان ٹرینر-2‘ (ایچ ٹی-2) نے پہلی بار آسمان میں پرواز بھری تھی۔ آزادی کے محض چار سال بعد حاصل ہونے والی یہ کامیابی ہندوستان کی تکنیکی صلاحیت اور خود انحصاری کی سمت میں ایک بڑا قدم مانا گئی۔

دو نشستوں والے اس تربیتی طیارے کو ہندوستان ایروناٹکس لمیٹڈ (ایچ اے ایل) نے تیار کیا تھا۔ اس دور میں ہندوستان طیارہ سازی کے شعبے میں ابھی ابتدائی مرحلے میں تھا اور جدید ٹیکنالوجی نیز وسائل بھی محدود تھے۔ ایسے وقت میں دیسی ڈیزائن اور انجینئرنگ کی بنیاد پر طیارہ تیار کرنا ہندوستانی سائنسدانوں اور انجینئروں کے لیے بڑا چیلنج تھا۔

ایچ ٹی-2 کی پہلی پرواز نے اس چیلنج کو کامیابی میں بدل دیا۔ اس کے بعد سال 1953 میں اس طیارے کی تیاری ہندوستانی فضائیہ اور بحریہ کے لیے شروع کی گئی۔ بنیادی طور پر پائلٹوں کی تربیت کے لیے استعمال ہونے والے اس طیارے نے ملک کے فوجی ایوی ایشن ڈھانچے کو مضبوط کرنے میں اپنا تعاون دیا۔

ہندوستان ٹرینر-2 کا استعمال صرف دفاعی شعبے تک محدود نہیں رہا۔ ملک کے مختلف ایوی ایشن اور فلائنگ اسکولوں میں بھی اس کا استعمال زیر تربیت پائلٹوں کو پرواز کی تربیت دینے کے لیے کیا گیا۔ اس طرح ایچ ٹی-2 نے فوجی تربیت کے ساتھ ساتھ سویلین ایوی ایشن کی ترقی میں بھی اہم کردار ادا کیا۔

1951 کی یہ پہلی پرواز ہندوستان کی ہوا بازی تاریخ میں ایک ایسے باب کا آغاز تھی، جس نے آگے چل کر ملک میں دیسی طیارہ سازی کے امکانات کو مضبوط کیا۔ آج ہندوستان جس تیزی سے ایرواسپیس اور ایوی ایشن کے شعبے میں آگے بڑھ رہا ہے، اس کی ابتدائی کامیابیوں میں ہندوستان ٹرینر-2 کا نام اہم مقام رکھتا ہے۔

دیگر اہم واقعات:

1642 - ڈچ ماہرِ فلکیات کرسچن ہیوگنس نے مریخ کے جنوبی قطب کی چوٹی کا پتہ لگایا۔

1814 - غلاموں کی تجارت کو ختم کرنے کے لیے برطانیہ اور ہالینڈ کے درمیان معاہدہ ہوا۔

1910 - فلورنس نائٹنگیل، نرس جو جدید نرسنگ موومنٹ کی بانی تھی انتقال کر گئی۔

1913 - انگلینڈ کے ہیری بریئرلی، شیفیلڈ نے اسٹینلیس اسٹیل ایجاد کیا۔

1936 – مشہور بھارتی سنیما اداکارہ وجیانتی مالا پیدا ہوئیں۔

1936 - مشہور ہندوستانی خاتون انقلابی بھیکاجی کاما کا انتقال ہوگیا۔

1952 - ہندی سنیما کی سب سے مشہور اداکاراؤں میں سے ایک یوگیتا بالی کی پیدائش ہوئی۔

1956 - قومی شاہراہوں کا بل لوک سبھا میں منظور ہوا۔

1960 - افریقہ فرانس کے قبضے سے آزاد ہوا۔

1961 – بھارتی اداکار اور پروڈیوسر سنیل شیٹی پیدا ہوئے۔

1963 - سری دیوی، ہندوستانی سنیما کی سب سے مشہور اداکاراؤں میں سے ایک، پیدا ہوئیں۔

1977 - اسپیس شٹل کے پہلے گلائیڈ کا تجربہ کیا گیا۔

1993 - واشنگٹن میں اسرائیل اور فلسطین کے درمیان امن معاہدہ طے پایا۔

1993 - تھائی لینڈ کے ناکھون رچاسیما میں ہوٹل منہدم ہونے سے 114 افراد مارے گئے۔

1999 - مصنفہ تسلیمہ نسرین کی نئی کتاب ’آمار مئے بیلا‘ (میرا بچپن) پر بنگلہ دیش حکومت نے پابندی لگائی۔

1999 - اسٹیفی گراف نے ٹینس سے ریٹائرمنٹ لیا۔

2004 - یونان کے ایتھنز میں 28ویں اولمپک کھیلوں کا آغاز ہوا۔

2005 - سری لنکا کے وزیر خارجہ لکشمن قادرگامر کا قتل اور اس کے بعد ایمرجنسی کا نفاذ۔

2008 - دنیا کی معروف اسٹیل کمپنی ٹاٹا اسٹیل نے ویتنام میں مشترکہ طور پر اسٹیل کمپلیکس کی تعمیر کے لیے وہاں کی دو اہم کمپنیوں کے ساتھ معاہدہ کیا۔

2008 - ہندوستان نے ملٹی بیرل راکٹ لانچر (ایم بی آر ایل) ویپن سسٹم پنواک کا کامیاب تجربہ کیا۔

2008 - معروف ماہرِ معاشیات اور ریزرو بینک کے سابق گورنر چکرورتی سنگاراجن کو راجیہ سبھا کے لیے نامزد کیا گیا۔

2015 - عراق کے بغداد میں ایک ٹرک بم دھماکے میں 76 افراد ہلاک اور 212 دیگر زخمی ہوئے۔

ہندوستھان سماچار

---------------

ہندوستان سماچار / انظر حسن