کاٹھمنڈو، 11 اگست(ہ س)۔ نیپال کے مائیگدی ضلع کے اناپورنا گاؤں پالیکا کے پوکھرے بگر میں گھارکھولا ہائیڈرو پاور پروجیکٹ کے پاور ہاؤس میں منگل کی صبح لینڈ سلائیڈنگ کے واقعے میں ایک شخص لاپتہ ہوگیا، جبکہ ایک دیگر شخص زخمی ہوگیا۔

لینڈ سلائیڈنگ کے وقت پاور ہاؤس میں کام کر رہے اناپورنا کے رہائشی 55 سالہ دیپک برووال لاپتہ بتائے جا رہے ہیں۔ وہیں گوری گنگا میونسپلٹی کے رہائشی 31 سالہ سریندر وک زخمی ہوئے ہیں۔پولیس انسپکٹر ساگر تیمیل سینا کے مطابق نیپال پولیس، نیپالی فوج، مسلح پولیس فورس، عوامی نمائندوں اور مقامی باشندوں پر مشتمل ٹیم لاپتہ دیپک برووال کی تلاش میں مصروف ہے۔زخمی سریندر وک کو ملبے سے بحفاظت نکال کر ابتدائی طبی امداد دی گئی، جس کے بعد مزید علاج کے لیے صوبائی اسپتال، بینی منتقل کردیا گیا ہے۔

بتایا گیا ہے کہ منگل کی صبح پاور ہاؤس کے بالائی حصے میں واقع پہاڑ سے پتھروں کے ساتھ بھاری ملبہ پاور ہاؤس پر آ گرا۔ لینڈ سلائیڈنگ کے نتیجے میں مائیگدی ہائیڈرو پاور کی جانب سے فروغ دیے جانے والے 14 میگاواٹ صلاحیت کے گھارکھولا ہائیڈرو پاور پروجیکٹ کے پاور ہاؤس میں نصب آلات کو نقصان پہنچا ہے۔آلات کے تباہ ہونے کے باعث منصوبے سے بجلی کی پیداوار مکمل طور پر بند ہوگئی ہے۔ واقعے کے بعد لاپتہ شخص کی تلاش اور متاثرہ مقام پر امدادی کارروائی جاری ہے۔

ہندوستھان سماچار

ہندوستان سماچار / Mohammad Khan