صنعا، 11 اگست (ہ س)۔ یمن کے ساحل سے دور آبنائے باب المندب میںحوثیوں کے ذریعہ ایک تجارتی جہازپرکیے گئے میزائل حملے میں چار افراد ہلاک ہو گئے ہیں۔ یمن کی بین الاقوامی سطح پر تسلیم شدہ حکومت کی وزارت ٹرانسپورٹ کے مطابق ہلاک ہونے والوں میں تین پاکستانی اور ایک انڈونیشیائی بھی شامل ہیں۔

یمنی حکام کے مطابق حوثی باغیوں نے تجارتی جہاز پر تین بیلسٹک میزائل داغے۔ حملے کے بعد ابتدائی طور پر تین افراد کے ہلاک ہونے کی اطلاع ملی تھی لیکن بعد میں ہلاکتوں کی تعداد بڑھ کر چار ہو گئی۔

یہ واقعہ یمن میں جاری تنازعہ کے درمیان بحیرہ احمر اور باب المندب کے علاقے میں سمندری سلامتی پر بڑھتی ہوئی تشویش کی نشاندہی کرتا ہے۔ حکام کے مطابق حالیہ تنازعہ کے دوران یمن کے ارد گرد تجارتی جہازوں پر حوثی حملوں میں یہ پہلی ہلاکت ہے۔

ایران کے ساتھ جاری کشیدگی کی وجہ سے آبنائے ہرمز میں سمندری ٹریفک متاثر ہونے کے بعد بحیرہ احمر اور باب المندب کے راستے کی اسٹریٹجک اہمیت مزید بڑھ گئی ہے۔ باب المندب ایشیا، افریقہ اور یورپ کے درمیان سمندری تجارت کا ایک اہم راستہ ہے۔

سمندری راستہ خاص طور پر سعودی عرب کی تیل کی برآمدات کے لیے بھی اہم سمجھا جاتا ہے۔ ہرمز روٹ میں خلل پڑنے کی صورت میں بحیرہ احمر کے علاقے سے گزرنے والے متبادل سمندری راستوں کا کردار بڑھ جاتا ہے۔

ہندوستھان سماچار

---------------

ہندوستان سماچار / عبدالسلام صدیقی