بالی ووڈ اداکار سنی دیول کی آنے والی فلم ’بٹوارہ 1947‘ کی ریلیز کا انتظار کر رہے شائقین کے لیے اچھی خبر ہے۔ فلم کی ایڈوانس بکنگ باضابطہ طور پر شروع ہوگئی ہے۔ فلم کے پروڈیوسرز نے سوشل میڈیا کے ذریعے اس کی اطلاع دی ہے۔

راج کمار سنتوشی کی ہدایت کاری اور عامر خان پروڈکشن کے بینر تلے بننے والی اس فلم کے ٹریلر اور گانوں کو ناظرین کی جانب سے اچھا ردعمل ملا ہے۔

سنی دیول کی یہ فلم 14 اگست کو سینما گھروں میں ریلیز ہوگی۔ فلم میں ان کے ساتھ پریتی زنٹا مرکزی کردار میں نظر آئیں گی، جو 2018 میں ریلیز ہونے والی فلم ’بھیا جی سپرہٹ‘ کے بعد بڑے پردے پر واپسی کر رہی ہیں۔ شبانہ اعظمی، علی فضل، ابھیمنیو سنگھ اور کرن دیول بھی اہم کرداروں میں نظر آئیں گے۔اس سال یوم جمہوریہ کے موقع پر ’بارڈر 2‘ کی ریلیز کے بعد سنی دیول کی یہ دوسری بڑی فلم ہوگی۔

’بٹوارہ 1947‘ کی کہانی ہندوستان اور پاکستان کی تقسیم کے پس منظر میں انسانیت، حوصلے اور قربانی کو مرکز میں رکھتی ہے۔ فلم کی کہانی معروف مصنف اصغر وجاہت کے مشہور ڈرامے ’جس لاہور نئی ویکھیا، او جمیا ہی نئی‘ پر مبنی ہے۔فلم کی موسیقی اے آر رحمان نے دی ہے جبکہ گیت جاوید اختر نے لکھے ہیں۔14 اگست کو باکس آفس پر ’بٹوارہ 1947‘ کی براہِ راست ٹکر عمران ہاشمی کی فلم ’آواراپن 2‘ سے ہوگی۔

ہندوستھان سماچار

ہندوستان سماچار / Mohammad Khan