انقرہ، 11 اگست (ہ س)۔ ترک حکومت کے ایک ذرائع نے آر آئی اے نووستی کو بتایا کہ ترکی کا جنگی جہازوں کو اپنے آبنائے سے گزرنے کی اجازت دینے کا کوئی ارادہ نہیں ہے، حالانکہ میڈیا رپورٹس میں بتایا گیا ہے کہ نیٹو کے ممالک بحیرہ اسود تک فوجی جہازوں کی رسائی بڑھانے کے لیے دباو ڈال رہے ہیں۔

اس سے قبل اگست میں، ترکیے اخبار نے اطلاع دی تھی کہ نیٹو کے کئی ممالک بحیرہ اسود میں جاری کشیدگی کے درمیان باسفورس اور ڈارڈینیلس کے ذریعے جنگی جہازوں کی نقل و حرکت کو مزید آسان بنانے کے لیے انقرہ پر دباو ڈال رہے ہیں۔ اخبار کے مطابق، یوکرین کے تنازعہ اور نیویگیشن سے وابستہ خطرات کی وجہ سے فوجی جہازوں کی رسائی کا مسئلہ اور بھی اہم ہو گیا ہے۔

ذرائع نے بتایا کہ آبنائے ترکی میں جنگی جہازوں کوجانے کی اجازت نہیں ہے۔ انقرہ مونٹریو کنونشن کے قوانین کی سختی سے پابندی کو یقینی بناتا ہے اور کسی کو بھی ان قوانین کو نظرانداز کرنے کی اجازت نہیں دیتا ہے۔ ترکی آبنائے کے ذریعے فوجی جہازوں کی نقل و حرکت سے متعلق بین الاقوامی ذمہ داریوں کی سختی سے تعمیل کرتا رہے گا۔

ہندوستھان سماچار

---------------

ہندوستان سماچار / عبدالسلام صدیقی